سەرنووچە:

هەولێر.. جڤینا ئالیان ژبەر ئالوزیێن ناڤبەرا پارتى و یەکێتیێ هاتە پاشخستن

فۆتۆ: 
2019-09-21

592 جار خوێندراوەتەوە

جڤینا د ناڤبەرا ئالیێن کوردستانی لسەر مژارا پێکئینانا لیستەکێ بۆ دەڤەرێن ئاڕیشە لسەر، کو بریاربوو ئەڤرۆ ل هەولێرێ برێڤەبچیت، لێ ژبەر ئالوزیێن د ناڤبەرا پارتى و یەکێتیێ هاتە پێشخستن.

رزگار عەلی ئەندامێ مەکتەبا سیاسی یا یەکێتیێ بۆ دیجیتال میدیایا ئێن ئاڕ تى ڕاگەهاند، پشتى رێگری ل مەحمود سەنگاوی هاتیە کرن ل بازگەها سماقولی دگەل شاندێ پارتى بریاردایە هەیا ئارامبوونا وێ رەوشێ، جڤینا ئالیێن کوردستانی بهێتە پاشخستن.

بریاربوو ١١ ئالی پشکداریێ د جڤینێ دا بکەن بۆ پێکئینانا لیستەکا کوردی د هەلبژارتنێن جڤاتا پارێزگەها کەرکوکێ و دەڤەرێن ئاریشە لسەر دا.

دەربارەى پێنگاڤێن ئارام کرنا وێ رەوشێ ئالوز یا د ناڤبەرا پارتى و یەکێتیێ دا، رزگار عەلی گوت، "دگەل مەسعود بارزانى و مەکتەبا سیاسی یا پارتی ئاخفتینە بۆ وی کارێ هاتیە کرن ئاسایی بکەن".

رۆژا ١٩ێ ئەیلونێ لەتیف شێخ عومەر پەیڤدارێ یەکێتیێ ڕاگەهاند، ل بازگەها سماقولی رێگری ل محمود سەنگاوى ئەندامێ مەکتەب سیاسی یێ حزبا  وان هاتیە گرتن کو بەرەڤ هەولێرێ بچیت.