سەرنووچە:

بەغدا بڕیارا شاندنا مووچەیێ ڤێ مەهێ یێ فەرمانبەران دەرکر

فۆتۆ: 
2019-09-19

1099 جار خوێندراوەتەوە

حکومەتا ناڤەندی فەرمانا شاندنا مووچەیێ ڤێ مەهێ یێ فەرمانبەران دەرکر و بڕیار گەهشتیە لقا هەولێر یا بەنکا ناڤەندیا عێراقێ.

دهێتە چاڤەرێکرن ئەڤرۆ ١٩ێ ئیلۆنا ٢٠٩ێ یان ژی یەکشەمبیا داهاتی حکومەتا ناڤەند مووچەیێ ڤێ مەهێ یێ فەرمانبەران لسەر هەژمارا بەنکیا حکومەتا هەرێما کوردستانێ بدانیت و بڕیارە ئەو وەزارەتێن کو مووچە وەرنەگرتنە مووچەی وەربگرن.

هەڤدەم هەیا نها بەرپرسێن داراییێن هەرێمێ چ داخویانیەک لسەر دەما پارڤەکرنا مووچەیێ ڤێ مەهێ یێ فەرمانبەران نەدایە.

د دوو ڕۆژێن دەربازبوویی دا هەر یەک ژ سەرۆک کۆمار و وەزیرێ داراییا عێراقێ سەرەدانا هەولێرێ کرن، ب مەرەما گۆتۆبێژکرن دەربارەی ئاریشەیێن هەلاویستیێن ناڤبەرا هەردوو ئالیان و گەهشتن ب لهەڤهاتنێ لسەر پرسا بودجە و نەفتێ.

پێشتر ژی، جوتیار عادل پەیڤدارێ حکومەتا هەرێمێ ڕاگەهاند، لێکتێگەهشتنەکا باش هەبوویە د ناڤبەرا بەغدا و هەرێمێ و بزاڤ بەردەوامن بۆ چارەسەرکرنا ئاریشەیان و داخوازیێن هەرێمێ لسەر بودجەیێ و ئاریشەیێن دارایی هاتنە وەگرتن، هورکاریێن بودجەی و داخوازیێن هەرێمێ دگەل حکومەتا ناڤەند پێدڤی ب گۆتوبێژ و جڤینێن زێدەتر هەیە.

س.م