سەرنووچە:

پێنتاگۆن: دێ بەردەوام بین لسەر هنارتنا چەکی بۆ هەسەدێ

فۆتۆ: 
2019-09-19

217 جار خوێندراوەتەوە

بەرپرسەکێ بلندێ پێنتاگۆنێ ڕاگەهاند، ئەمریکا دێ بەردەوام بیت لسەر پڕچەککرنا هێزێن سوریایا دیموکرات و گەلەک ب زەلالی ژی ڤێ یەکێ دگەل تورکیا بەحس دکەن.

کریس مایەر ڕێڤەبەرێ گرۆپێ کارێن پێنتاگۆنێ بۆ شەڕێ دژی داعشێ بۆ ئاژانسا فرانس پرێس دازانین، ئەمریکا دێ بەردەوام بیت لسەر شاندنا چەکێ پێدڤی و تڕۆمبێلێن لەشکەری بۆ هێزێن سوریایا دیموکرات، دەربارەی وێ یەکی ژی گەلەک زەلال بوونە.

بەحسا وێ یەکێ ژی کر، "مەهانە ڕاپۆرتا گەهاندنا چەک و تڕۆمبێلێن لەشکەری بۆ هەسەدێ ددەنە تورکیا"، ئەو یەک ژی لگۆری لهەڤهاتنەکا بەرێ یا واشنتۆن و ئەنقەرێ یە.

دەربارەی دەڤەرا ئاراما سوریا ژی کو مایەر ب "ڕێکارێن ئەولەهیێ" بناڤکریە، ڕاگەهاندیە پێنج بالافرێن هێلیکۆپتەرێن ئەمریکا و تورکیا پشکداربوون د چالاکیا دەورەیا هەڤبەش کو ل ڕۆژا ٨ێ ئیلۆنێ بڕێڤەچوو.

مایەر دیارکریە ژی، هەر چەندە بەشەک ژ هێزێن کوردی ل دەڤەرا ئارام ڤەکشیانە و هێزێن عەرەبی جهێ وان گرتنە، لێ هەیا نها بەشەک ژ هێزێن یەپەگێ د وان دەڤەران دا مانە.

ئەڤ داخویانیا پێنتاگۆنێ دەمەکێ دایە، تورکیا بەردەوامە لسەر نیشاندانا نەڕازیبوونێ دەربارەی پڕچەککرنا هێزێن سوریا دیمۆکرات ژ ئالیێ ئەمریکا ڤە، رەجب تەیب ئەردۆغان سەرۆک کۆمارێ تورکیا ژی هۆشداری دابوو، ئەگەر د دوو حەفتیێن داهاتی دا دەڤەرا ئارام ئەنجام نەبیت دێ پلانا ئۆپەراسیۆنێ جیبجیکەن.

س.م