سەرنووچە:

ڕۆژا یەکشەمبی و دووشەمبیا داهاتی دێ مووچەیێ ڤان وەزارەت و دەستەیان هێتە پارڤەکرن

مووچەیێ مەها هەزیرانێ
فۆتۆ: 
2019-09-19

6693 جار خوێندراوەتەوە

دیجیتال میدیایا ئێن ئاڕ تی، هەولێر، هێرش قادر

ڕۆژا یەکشەمبی و دووشەمبیا داهاتی دێ مووچەیێ تەڤاهیا وەزارەت و دەستەیان هێتە پارڤەکرن ژبلی خانەنشینان.

لگۆری خشتەیەکێ کو ژ وەزارەتا دارایی و ئابووریێ بۆ دیجیتال میدیایا ئێن ئاڕ تی هاتیە شاندن، ڕۆژا یەکشەمبی (٢١ێ هەزیرانا ٢٠١٩ێ) دێ مووچەیێ هەریەک ژ وەزارەتا سامانێن سروشتی، ئەوقاف، خواندنا بلند، ناڤخۆ، ڕێڤەبەریا گشتی یا ڕەگەزنامەیێ، لیوایێن نەفتێ، زێرەڤانی، بەرەڤانی و هەوارهاتن، دەزگەهێ ئاسایش و جڤاتا ئاسایشێ هێتە پارڤەکرن.

هەر لگۆری خشتەیێ، ڕۆژا دووشەمبی (٢٢ێ هەزیرانا ٢٠١٩ێ) وەزارەتا باژێرڤانی، کارەبا، ڤەگوهاستن، پلاندانان، چاندن، دیوانا چاڤدێریا دارایی، مافێن مرۆڤان، دەڤەرێن دەرڤەیی هەرێمێ، ژینگەهـ، دەستەیا وەبەرئینانێ، دەستەیا دەستپاکیێ، کۆمسیۆنا هەلبژارتن، دەزگەهێ مین، پیشەسازی و بازرگانی، ڕۆشنبیری، ئاڤەدانکرن، سەرۆکاتیا هەرێم و سەرۆکاتیا پەرلەمان و جڤاتا وەزیران دێ مووچەیی وەرگرن.

ب ڤێ خشتەیێ ژی دێ تەڤاهیا وەزارەت و دەستە و ڕێڤەبەری مووچەیی وەرگرن و تنێ خانەنشینی نەبیت کو هەیا نها دەمێ پارڤەکرنا مووچەیێ وان نەهاتیە دیارکرن.

ئەڤ مووچەیێ کو دهێتە پارڤەکرن، مووچەیێ مەها ٦ یا ٢٠١٩ێ یە و حەفتەم مووچەیە کو بێ پاشەکەفت دهێتە پارڤەکرن.

ڕۆژا ٨ێ ئادارا ٢٠١٩ێ حکومەتا هەرێمێ داویئینانا سیستەمێ  پشەکەفتا مووچەی ڕاگەهاند و مووچەیێ مەها ١٢ یا سالا دەربازبوویی بێ پاشەکەفت پارڤەکر.

س.م