سەرنووچە:

لیبریا.. ب سەدەما ئاگرکەتنێ ​٢٧ زارۆکێن قۆرئان خوین گیانێ خۆ ژ دەستدان

زارۆک مژوولى قورئان خواندنێ بوونە
فۆتۆ: 
2019-09-18

239 جار خوێندراوەتەوە

میدیایان بەلاڤکریە، ئاگرب قوتابخانەیەکا ئیسلامى ل لیبریا کەت و ب وێ سەدەمێ ٢٧ زارۆکێن قۆرئان خوین گیانێ خۆ ژ دەستدان.

لگۆر میدیایێن جیهانى ، ئاگر ل قوتابخانەیا ئیسلامى یا مۆنرۆڤیا کەتیە ، د دەمەکێ دا زارۆک مژوولى قورئان خواندنێ بوونە.

موسا کارتەر پەیڤدارێ پۆلیسان راگەهاند، " زارۆکان قۆرئان دخواند د دەما ئاگر کەتنێ " بەحسا وێ یەکێ ژى کر، سەدەما ئاگر کەتنێ ئاریشەیەکا کەهرەبێ بوویە و دێ ڤەکۆلینێن زێدەتر ژ بوویەرێ هێنە کرن.

جۆرج ویە سەرۆکێ لیبریا د تویتەکێ دا راگەهاند، ئاگر درەنگیەکا رۆژا سێ شەمبیێ ل مۆنرۆڤیا پایتەختێ لیبریا کەتیە و پرسە و سەرەخوشیا خۆ ئاراستەى مالباتێن زارۆکان کریە و گوت ، " بوویەر بۆ مالباتێن قوربانیان و هەموو لیبریایێ گرانە".

ل باژارێن مەزن یێن لیبریا شەوتینا ئاڤاهیان ب سەدەما ئاریشەیێن کەهرەبێ تشتەکێ بەربەلاڤە ، لێ ب کێمى بوویەرێن گیان ژ دەستدانێ پەیدا دبن.