سەرنووچە:

جڤاتا وەزیرێن هەرێمێ چەند بڕیارەک دەرکرن

فۆتۆ: 
2019-09-18

309 جار خوێندراوەتەوە

جڤاتا وەزیرێن هەرێمێ بڕیاردا ب پێکئینانا لیژنەیا ڕێکخستنا دەرازینکێن سنوری و ساناهیکرن بۆ وان کەسێن کو قەڕێن چاندنێ کرنە ب ئاوایەکێ بارگرانیێ نەئێخیتە سەر دەبارا جوتکاران.

ئەڤرۆ جڤاتا وەزیرێن هەرێمێ جڤیا و د ڕاگەهاندنا داویا جڤینێ دا ژی هاتیە، جڤاتا وەزیران بڕیار دا لیژنەیەکا تایبەتمەند ژ وەزارەت و ئالیێن پەیوەندیدار پێکبینیت بۆ پێکڤە گرێدانا دەرازینکێن گومرگی ب ئارمانجا ڕێکخستن و باشترکرنێ.

بەحسا وێ یەکێ ژی کر، "برگەیا دوویێ یا جڤینێ تایبەت بوویە ب نیشاندانا قەڕێن چاندنێ کو ٨٨٦٨ جوتکار لێ مفاداربوون ب کۆژمێ ٢٢٢ ملیار و ٥٣٣ ملیۆن دیناران. جڤاتا وەزیران هەردوو وەزیرێن چاندن و ژێدەرێن ئاڤی ئەرکدارکرن بۆ پێشکێشکرنا هەموو ساناهیکرنەکا یاسایی بۆ چاوانیا ڤەگێڕانا قەڕان ب ئاوایەکێ دگەل ڕەوشا جوتکاران بگونجیت".

ئەو یەک ژی دیارکریە، د جڤینێ دا گۆتۆبێژ دەربارەی ڕەشنڤیسا دوویێ یا پلانا تەشریعی کرنە، دەربارەی وی یەکێ جڤاتا وەزیران بڕیاردایە لیژنەیەکا یاسایی پێکبینیت بۆ دەستنیشانکرنا وان پرۆژە یاسایان کو د وەرزێ نوو یێ یاسادانانێ دا بۆ پەرلەمانێ کوردستانێ دهێنە شاندن.

هەروەسا جڤاتا وەزیران گۆتۆبێژ دەربارەی پێداچوون ب میکانیزمێن (پاراستنا مافێ خودان هزرێ - قانون حمایە الملکیة الفكرية) کریە ب بەرچاڤگرتنا ستانداردێن جیهانی و "پاراستنا خودان مافێن هزری د بیاڤێن هونەری، بازرگانی، پیشەسازی و چاندنێ دا"، بۆ وێ مەرەمێ ژی وەزارەتێن پەیوەندیدار ئەرکدارکرنە کو ڕێکارێن پێدڤی بگرنەبەر.

س.م