سەرنووچە:

شاندەکا بلند یا عێراقێ دێ سەردانا چینێ کەت

فۆتۆ: 
2019-09-18

472 جار خوێندراوەتەوە

ژێدەرەک ژ نڤیسینگەها سەرۆک وەزیرێن عێراقێ راگەهاند، شاندەکا بلند یا عێراقێ ب سەرۆکاتیا عادل عه‌بدولمه‌هدی و بەشداریا ١٠ وەزیران و ١٦ پارێزگار ب مەرەما ئیمزاکرنا هەژمارەکا رێکەفتننامەیێن بازرگانى دێ سەردانا وەلاتێ چینێ کەن.

وى ژێدەرى ب دیجیتال میدیایا ئێن ئار تى راگەهاند، ئێڤاریا ئەڤرۆ چار شەمبیێ شاندەکا بلند یا عێراقێ ب سەرۆکاتیا سەرۆک وەزیران و ب بەشداریا ١٠ وەزیرێن حکومەتا فیدرال و ١٦ پارێزگارێن پارێزگەهێن عێراق و هەرێما کوردستانێ و ١٠ بازرگانان دێ سەردانا وەلاتێ چینێ کەن.

ئاماژە ب وێ یەکێ ژى هاتیە کرن، سەرەدان ب مەرەما ئیمزاکرنا هەژمارەکا گرێبەستێن بازرگانینە د بیاڤێن پیشەسازى و چاندن و کەرتێن خزمەتگوزاریێن وەک نەخوشخانە و رێک و پر و درۆستکرنا هێلا ئاسنى.

سەردانا وى شاندێ بلند یێ عێراقێ بۆ چینێ د تۆرێن جڤاکى دا کارڤەدان لێکەفتن و بەشەک رەخنێ ل مەزنیا شاندى و شیانێن نوونەراتیێن وان کەسان دگرن کو د شاندێ دانە.