سەرنووچە:

تونس.. سەرۆکێ بەریا نها شکەستن ئینانا خۆ د هەلبژارتنێن وەلاتێ خۆدا راگەهاند

فۆتۆ: 
2019-09-17

146 جار خوێندراوەتەوە

مونسف مەرزقى سەرۆکێ بەریا نها یێ تونس شکەستن ئینانا خۆ د هەلبژارتنێن وەلاتێ خۆدا راگەهاند پشتى کو نەکارى دەنگێن پێدڤى بدەست بینیت و بەشداریا خولا دوویەم یا هەلبژارتنان بکەت.

مەرزقى د نامەیەکێ دا بۆ رەئیا گشتى کو د تورا جفاکى یا تویتەرێ دا بەلاڤکریە، نڤیسیە، " تەڤاهیا بەرپرسیارەتیا شکەستن ئانینا من د هەلبژارتنان دا دئێخمە ستویێ خۆ ژبەرکو من نەکاریە وەکى پێدڤى بەرنامەیێ چار سالێن داهاتى ب دەنگدەران ئاشنا بکەم".

ئەڤە ژى پشتى وێ یەکێ هات کو لگۆر ئەنجامێن دەستپێکى یێن سەرۆکاتیا تونس هەردوو بەربژار (نەبیل قورەوى و قەیس سەعید) دەنگێن پێدڤى بدەست ئێخستینە سەعید ل سەدێ ١٨ و پۆینت چوار ب پلەىا یەکەم و قورەویش ل سەدێ ١٥ و پۆینت ٥٨ ب پلەىا دووەمە، گەهشتنە قوناغا دوویەم بۆ هەڤرکى کرن لسەر بدەستخستنا پلەیا یەکەم و سەرکەفتیێ هەلبژارتنێ.

محەمەد مونسف مەرزوقى یێ تەمەن ٨٤ ساڵ نووسەر و کەسایەتییەکێ سیاسیىە، ل دژى دەسەڵاتا زەیەن بن عابدین سەرۆکێ بەریا نها یێ تونس بوویە، ل سالێن ٢٠١١ بۆ ٢٠١٤ سەرۆک کۆمارێ تونس بوو و یەکەم سەرۆکە ل وڵاتێن عەرەبى کو ب ئاوایەکێ دیموکراسى و هەڵبژاردن بچیتە سەر دەسەڵاتێ و ب دیموکراسى و هەڵبژاردن دەسەڵاتێ ڕادەست بکەت.