سەرنووچە:

دوو رێڤەبەرێن حکومى ب توهمەتێن جوودا هاتنە دەستەسەرکرن

فۆتۆ: 
2019-09-17

629 جار خوێندراوەتەوە

د دەما دوو روژان دا دوو رێڤەبەرێن ل سنورێ ئیدارەیا گەرمیان ب توهمەتێن جوودا هاتنە دەستەسەرکرن.

عەلی قەدوری  پەیڤدارێ پۆلیسێن گەرمیانێ بۆ دیجیتال میدیایا ئێن ئار تى راگەهاند، هەر یەک ژ لە حسێن ئەحمەد رێڤەبەرێ گۆمرکا گەرمیان عومەر محەمەد رێڤەبەرێ وەبەرئینانا گەرمیان هاتنە دەستەسەرکرن.

هەروەسا گوت ژى، دەستەسرکرنا وان دوو رێڤەبەران لسەر سکالایا دەستەیا دەستپاکیێ بوویە و رێڤەبەرێ گومرکا گەرمیان ب ماددەیا ۳٤۱ و رێڤەبەرێ وەبەرئینانا گەرمیان ب ماددەیا ۳۰۷ هاتنە دەستەسەرکرن.

ماددەیا ۳٤۱ ل یاسایا سزادانا عێراقى تایبەتە ب فەرمانبەرێن حکومى ، کو کێمترخەمیێ د کارێ خۆ دا بکەت و ئەو یەک ژى ببیتە زەرەرا مەزن.

ماددەیا ٣٠٧ تایبەتە ب وەرگرتنا بەرتیلێ ژ ئالیێ فەرمانبەرەکێ حکومى ڤە.