سەرنووچە:

داعشێ پەیامەکا ئەبوبەکر بەغدادی بەلاڤکر

فۆتۆ: 
2019-09-17

965 جار خوێندراوەتەوە

لگۆڕەی ئاژانسا نووچەیا ڕۆیتەرز ڕێکخراوا داعشێ پەیامەکا دەنگیا ئەبوبەکر بەغدادی سەرۆکێ ڕێکخراوا داعشێ بەلاڤکر، کو تێدا هۆشداریا ئەنجامدانا "هێرشێن ڕۆژانە" یێن وێ ڕێکخراوێ  ددەت.

ئاژانس بەحسا وێ یەکێ دکەت، ئەو تۆمارا دەنگیا داعشێ ب ڕێکا ڕووپەلەکێ هاتیە بەلاڤکرن، تۆمارا دەنگی ٣٠ خولەکە، کو تێدا زەلامەک بۆ گۆتنا وێ  ئەبوبەکر بەغدادی یە، هۆشداریێ ددەت ب وێ یەکێ ددەت " دێ چەکدارێن داعشێ ژ هەمی ئالیەکێ ڤە هێرشێن ڕۆژانە دبن".

د پشکەکا دیا تۆمارا دەنگی دا هاتیە و داخواز ژ ئایگرێن خۆ دکەت" وان ژنان ئازاد بکەن ئەوێن د کەمپێن عێراقێ و سوریا کو پشتی شکانا وێ ڕێکخراوێ هاتینە دەستە سەرکرن".

دایە زانین ژی، ب ئالیگرێن خۆ گۆتیە" ئەگەر نکارن ژنان ئازد بکەن، وی دەمی ب زەبری هێزێ ئازاد بکەن یان ب ڕێیا پارەی ئازاد بکەن و دوو دل نەبن، ب هەمی ئاوایەکێ هێرشی سەر ڤەکۆلەر و دادوەران بکەن".

ئەڤە ب یەکەم پەیاما ئەبوبکر بەغدادی دهێتە دانان کو ل مەها نیسانا دەربازبووی بوویە، هەیا نها ژی چ ئالیەکێ ڕاستی و دروستیا ڤێ پەیاما دەنگی پشتڕاست نەکریە.

س.ع