سەرنووچە:

مەسرور بارزانی: پێدڤیە دادپەروەرى د خەرجکرنا داهاتى بۆ دەڤەرێن هەرێمێ هەبیت

تەکەز لسەر دابینکرنا نەفتێ بۆ وەلاتیان کر
فۆتۆ: 
2019-09-16

254 جار خوێندراوەتەوە

سەرۆکێ حکومەتا هەرێمێ د دەما جڤینا لیژنەیا کومکرنا داهاتان راگەهاند، پێدڤیە دادپەروەرى د خەرجکرنا داهاتى بۆ دەڤەرێن هەرێمێ هەبیت و تەکەز لسەر دابینکرنا نەفتێ بۆ وەلاتیان کر بەریا هاتنا وەرزێ زفستانێ.

ئەڤرۆ لیژنەیا کومکرنا داهاتان ب سەرپەرشتیا مەسرور بارزانى جڤیا و لگۆر راگەهاندنەکا حکومەتا هەرێمێ ل جفینێ سەرۆکێ حکومەتێ ئاماژە کریە، پێدڤیە کار لسەر وێ یەکێ بکەن ، هەڤسەنگى هەبیت د ناڤبەرا داهات و خەرجیان دا، ب ئاوایەکێ د بەرژەوەندیا گشتى و وەلاتیێن هەرێمێ دا بیت.

هەر لگۆر راگەهاندنێ ، مەسرور بارزانى تەکەز کر، کو دڤێت دادپەروەرى د خەرجکرنا داهاتى دا بۆ دەڤەرێن هەرێمێ هەبیت و گۆتوبێژ دەربارێ کومکرنا داهاتان و رێکخستنا باج و گومرکان و کاراکرنا سیستەما بەنکى ل هەرێما کوردستانێ هاتە کرن.

ئاماژە ب وێ یەکێ ژى هاتیە کرن، د داویا جڤینێ دا سەرۆکێ حکومەتێ تەکەز لسەر تەرخانکرنا نەفتا سپى بۆ وەلاتیان بەریا زڤستانێ کریە.