سەرنووچە:

جەبار یاوەر: فەرمانا نوونەراتیا مە ل فەرماندەیا ئۆپراسیۆینا هێزێن هەڤبەش بدەست نەگەهشتیە

فۆتۆ: 
2019-09-16

189 جار خوێندراوەتەوە

ئەمیندارێ گشتیى یێ وەزارتا پێشمەرگەى راگەهاند، هەیا نها ب فەرمى فەرمانا نوونەراتیا هێزێن پێشمەرگەى ل فەرماندەیا ئۆپراسیۆینا هێزێن هەڤبەش یێن عێراقێ بدەست نەگەهشتیە.

د راگەهاندنەکێ دا جەبار یاوەر ئاماژە کریە، د دەما جڤینا وەڤدا هەرێمێ دگەل بەغدا ل ٢٣ێ مەها هەزیرانێ، ژ ئالیێ وەڤدا هەرێمێ ڤە داخوازا نوونەراتیا هێزا پێشمەرگەى ل وێ فەرماندەیێ هاتە کرن ، لێ هەیا نها ئەو فەرمان ب ئاوایەکێ فەرمى نەگەهشتیە.

هەروەسا گوت، ب رێکا مەدیایان هاتیە زانین کو سەرۆک وەزیرێن حکومەتا عێراقێ، فەرمانەکا دیوانى دەربارێ میکانیزم و ئەرکێ نوو یێ فەرماندەیا ئۆپراسیۆنا هێزێن هەڤبەش کریە ، تێدا ئاماژە ب نوونەراتیا هێزێن پێشمەرگەى ل ناڤ وێ فەرماندەیێ هاتیە کرن.

بەحسا وێ یەکێ ژى کر ، هەر دەما ب رێکا پەیوەندیێن حکومەتا هەرێمی بگەهیت ، دێ ئاراستەى وەزارەتا پێشمەرگەى کەت و ل جڤاتا بەرەڤانیا پێشمەرگەى دێ گۆتوبێژ ل سەر میکانیزم و دەستهەلاتان و ئاوایێ کارێ وێ فەرماندەیێ  و نوونەراتیا پێشمەرگەى هێتە کرن.

دەربارێ دیارکرنا نوونەرێ هێزێن پێشمەرگەى ل وێ فەرماندەیێ، زەلال کر، پشتى گەهشتنا فەرمانێ و پەسەندکرنێ ژ ئالیێ وەزارەتا پێشمەرگەى ڤە ، رازیبوونا سەرۆکاتیا هەرێم و جڤاتا وەزیران پێتڤیە ، هەیا کو نوونەرێ فەرمی وەزارەتا پێشمەرگەى بۆ دیار دکەت.