سەرنووچە:

ئینانا ترۆمبێلێن مودێل ٢٠١٧ دێ هێنە قەدەغەکرن

هەمى دەرازینکێن سنورى ئاگەهدار کرینە
فۆتۆ: 
2019-09-11

508 جار خوێندراوەتەوە

وەزارەتا ناڤخۆ یا هەرێمێ بریار دایە ترۆمبێلێن مودێل ٢٠١٧ راوەستینیت و ئەو ترۆمبێلێن هاتینە ئینان و هاتینە بکار ئینان پێدڤیە باوەرناما (coc) دگەل بیت.

پشتیوان حەمە ساڵح بەرپرسێ هوبا ترۆمبێلان ل رێڤەبەراتیا گۆمرگا  باشماخ راگەهاند، وەزارەتا ناڤخۆ د بریارەکێ دا هەمى دەرازینکێن سنورى ئاگەهدار کرینە کو بەروارا  ٢٠١٩/٩/١ ئینانا ترۆمبێلێن مودێل ٢٠١٧ دێ هێنە قەدەغەکرن.

بەحسا وێ یەکێ ژى کر، د نها دا تنێ ترۆمبێلێن مودێل ٢٠١٨ و ٢٠١٩ و ٢٠٢٠ رێک پێ دهێتە دان بۆ کوردستانێ بهێنە شاندن.

هەڤدەم سامال عەبدولڕەحمان رێڤەبەرێ گشتى یێ گۆمرگا هەرێمێ د بریارەکێ دا داخواز ل هەمى دەرازینکێن سنورى کریە ، کو هەر ترۆمبێلەکا باوەرناما (coc) نەبیت ( سی ئۆ سى ئامیرەکە ل ئەگزوستێ ترۆمبێلێ ڤە دکەن بۆ وێ یەکێ بزانبن ترۆمبێل وێ گازا دوانۆکسیدى کاربۆنەى بەرهەم دئینیت ل ئاستێ ستانداردە یان نە ، ئەو ژى ب مەرەما پاراستنا ژینگەهێ) رێک ب ئینانا وێ نادەت و بریار ل رۆژا ٨ێ ئیلۆنێ ئێخستیە بیاڤێ جێبەجێکرنێ دا