فۆتۆ:
2019-09-11
1117 جار خوێندراوەتەوە
پەیڤدارێ حکومەتێ راگەهاند، بەغدا موچەیێ فەرمانبەران بریە و داخواز ژ بەغدایێ کریە پاشکەفتێ موچەیێ فەرمانبەران بدەت کو نێزیکى هەشت بۆ نەهـ ملیار دۆلارانە.
جوتیار عادل پەیڤدارێ حکومەتا هەرێمێ د کۆنفرانسەکێ رۆژنامەڤانیێ دا د بەرسڤا پرسیارەکا نووچەگەهانێ ئێن ئار تى دا بەحسا وێ یەکێ کر، بابەتێ گرێدانا پیڤەرێن ئافێ یێن مالان هاتیە راگرتن و وەزارەتا باژێرڤانیا هەرێمێ دێ جارەکا دى پێداچوونێ د وى بابەتى دا کەتەڤە.
ئاماژە ژى کر، لگۆر پلانا حکومەتێ بەریا زڤستانێ دێ ٢٥٩ ملیۆن لیتر نەفتا سپى بسەر وەلاتیان دا هێنە دابەش کرن.
دەربارێ پرۆسەیا چاکسازیێ ژى ل هەرێمێ ، پەیڤدارێ حکومەتا هەرێمێ گوت، بنەمایێ کارنامەیا حکومەتا نوو یا هەرێمی چاکسازیە ل هەمى سێکتەران دا.
سالا ٢٠١٦ حکومەتا هەرێمێ بریار دا بەشەکا موچەیێن فەرمانبەران پاشکەفت بکەت و کار ب سیستەما پاشکەفتکرنا موچەیێ فەرمانبەران دا کر هەیا کو رۆژا ٨ێ ئادارا ٢٠١٩ێ د جڤینا جڤاتا وەزیران دا بریارا راکرنا چاشکەفتى هات داین.