سەرنووچە:

بەهادین نوری: ئەو مەرجەعیەتا ل هەرێمێ دهێتە بەحسکرن هزار سال پاشدا ڤەگەڕیانە

فۆتۆ: 
2019-09-11

185 جار خوێندراوەتەوە

نڤیسەر و سیاسەتمەدارێ کورد بەهادین نوری دبێژیت، ئەو مەرجەعیەتا کو ب وی ئاوایێ ل هەرێمێ دهێتە بەحسکرن ب ڕامانا هزار سال پاشادا ڤەگەڕیانە.

د گۆتارەکێ دا ب ناڤونیشانێ ئەرێ میللەتێ کورد پێدڤی ب مەرجەعیەتێ یە، بەهادین نوری نڤیسیە، مەرجەعیەت بڤی ئاوایێ کو ئەڤرۆ ل کوردستانێ دهێتە بەحسکرن ب چ ئاوایان د جڤاکێ پێشکەفتی دا دگەل دیموکراسیێ جهێ خۆ ناگریت.

دبێژیت ژی، ئەو جورێ مەرجەعی کو خۆ ژ سەرۆکاتیا لیژنەیەکێ یان جڤاتەکێ دا دبینیت، چ پەیوەندی ب دیموکراسیێ ڤە نینە و دخوازن ب کراسەکێ تازە ڤە، بناڤێ جڤاتا ئەحزابان دیکتاتۆرەکێ تازە بسەپینن.

د بەشەکێ دی یێ گوتارا خۆ دا نوری دیاردکەت، دیموکراسی و پێشکەفتن پێدڤیە مەرجەعیەتا خۆ هەبیت بۆ کاروبارێن گشتی، ئیداری و سیاسی و ئابووریا ولاتی، لێ ئەڤ جورێ مەرجەعیەتێ پێدڤیە کۆمەلگەهـ بخۆ دروست بکەت ب ڕێیا هەلبژارتنەکا دیموکراتیا ئازادا پاقژ، وەک وان هەلبژارتنێن د ولاتێن دیموکراتی دا دهیتە کرن، نەک ئەو هەلبژارتنێن درۆیێن تژی تەزویر و ساختەکاری کو د عێراق و کوردستانێ دا دهێنە کرن و پەرلەمانەکێ تژی عەیب و نەهەژی پێ دهێتە پێکئینان.

وەک بەهادین نوری ددەتە زانین، مەرجەعیەتا ڕاست بۆ کۆمەلگەهێ تنێ ب ڕێیا دیموکراسیێ دێ بدەستڤە هێت و ئەو دیموکراسیە ژی ئەڤرۆ ل دەف مە نینە، لێ بڕێڤەیە بۆ داهاتی.

س.م