سەرنووچە:

ڤیدیۆ.. ژ بەر سەمایا بیک و زاڤایەکی شەڕ د ناڤبەرا بنەمالێن وان دا دروست بوو

فۆتۆ: 
2019-09-11

13960 جار خوێندراوەتەوە

ئاهەنگا ڤەگوهاستنا بیک و زاڤایەکی ل لوبنانێ دبیتە مەیدانا شەڕی، شەڕ و ئالۆزیێن زێدە د ناڤبەرا بنەمالەیا بیک و زاڤای ژ بەر سەمایا وان دروست بوو.

ڕۆسیا تودەی د تویتەرێ دا گرتەیەکا ڤیدیۆیا وێ ئاهەنگێ بەلاڤکر، کو دووهی شەڤێ ل دەڤەرا عەکار ل باکورێ لوبنان، شەڕ د ناڤبەرا بنەمالەیا بیک و زاڤایەکی دا دروست بوویە.

وی ڕووپەلێ سەدەمێ دروستبوونا شەڕی بۆ سەمایا بیک و زاڤایی ڤەگەڕاند، لگۆڕی دەستورێ ئاهەنگێ کی ژ وان باشترین سەمایێ دکەت، دیڤ دا لسەر سەمایێ شەڕە کورسی د ناڤبەرا هەردوو بنەمالەیێن بیک و زاڤای دا دروست بوو.

گرتەیا ڤیدیۆی ژ تۆڕێن جڤاکی دا بەلاڤ بوویە و بەحسا وێ یەکێ ژی هاتیە کرن، دڤێ بوویەرێ دا بریندار هەنە، ژ بلێ یەکێ کو زەرەرێن زێدە بەر کەل وپەلێن هۆلا ئاهەنگێ کەفتنە و کەرستەیێن وێ ژی هاتینە شکاندن.

ئەڤە د دەمەکێ دایە بەریا نها ژی ل دەڤەرا بەعلەبەک ل لوبنانێ د ئاهەنگەکا هەڤژینیێ دا ب هێجەتا جیاوازیا ستران گۆتنا ئاهەنگێ ڤە سێ کەس هاتبوونە کوشتن.

س.ع