سەرنووچە:

ئەڤرۆ جڤاتا وەزیرێن هەرێمێ دێ جڤیت

چەند پرسان گۆتۆبێژ دکەن
فۆتۆ: 
2019-09-11

204 جار خوێندراوەتەوە

بڕیارە ئەڤرۆ جڤاتا وەزیرێن هەرێمێ بجڤیت و گۆتۆبێژێ لسەر چەند پرسان بکەت.

چاڤکانیەکێ ژ جڤاتا وەزیرێن هەرێمێ بۆ ئێن ئاڕ تی ڕاگەهاند، د جڤینێ دا دێ گۆتۆبێژ لسەر مەترسی و باندۆریێن پرۆسەیا سەرژمێریا ئاکنجیێن عێراقێ هێتە کرن.

هەر دەربارەی ڤی یەکێ ژی د جڤینا خۆ یا دگەل وەزیرێ پلاندانانا عێراقێ دا، مەسرور بارزانی سەرۆکێ حکومەتا هەرێمێ ڕاگەهاند، حکومەتا هەرێما کوردستانێ تێبینی لسەر میکانیزما ئەنجامدانا سەرژمێریێ هەیە، پێدڤیە تێبینیێن وان لبەر چاڤ بهێنە گرتن و نابیت سەرژمێری وەک کارتەکا سیاسی ل دژی چ پێکاهاتەیەکێ بهێتە بکارئینان.

وی چاڤکانیێ جڤاتا وەزیران گوت ژی، تەوەرەکێ دی یێ جڤینێ دێ تایبەت بیت ب گۆتۆبێژکرن لسەر دەرئەنجامێ جڤینا حکومەت و پەرلەمانتارێن عێراقێ لسەر ئاریشەیێن هەرێم و بەغدا.

هەروەسا د تەوەرەکێ دی دا دێ بەحسا چەند بابەتێن گرێدایی وەزارەتا دارایی کەن.

س.م