سەرنووچە:

زاخۆ.. ١١ خودانێن موەلیدەیێن ئەهلی هاتنە دەستەسەرکرن

لسەر سکالایا سەرۆکێ لیژنەیا موەلیدان
فۆتۆ: 
2019-09-10

519 جار خوێندراوەتەوە

دیجیتال میدیایا ئێن ئاڕ تی، زاخۆ، بێوار حلمی

ل قەزایا زاخۆ ١١ خودانێن موەلیدەیێن ئەهلی ژ بەر وەرگرتنا پارەیێ زێدە ل وەلاتیان هاتنە دەستەسەرکرن.

پشکەکا خودانێن موەلیدەیێن ئەهلی بۆ ئێن ئاڕتی ڕاگەهاند، ئێڤاریا ئەڤرۆ سێشەمبێ (١٠ ئیلۆنا ٢٠١٩) لسەر سکالا لیژنەیا موەلیدەیان، ١١ خودانێن موەلیدەیێن ئەهلی هاتینە دەستەسەرکرن.

بەحسا وێ یەکێ ژی کرن، کو سکالا لسەر ٢١ خودانێن موەلیدەیێن ئەهلی هاتیە تۆمارکرن، لێ د نها دا تنێ ١١ کەس ژ وانا هاتنە دەستەسەرکرن.

دانەزانین ژی، ژ ئالیێ لیژنەیا موەلیدان ڤە بۆ مەها هەشت بۆ هەر ئەمپێرەکا کارەبێ کوژمێ ٨ هزار و ٥٠٠ دینارا هاتبوو دانان، لێ وان خودان موەلیدان ٩ هزار و ٥٠٠ دینار ژ وەلاتیان وەرگرتنە.

س.ع