سەرنووچە:

دهۆک.. بڕیارا ب ئەلکترۆنیکرنا کارێن ئەرزوحالچیان چوو د بیاڤێ جیبجیکرنێ دا

مامەلە ب ٢٥ هزار دیناران دهێنە بڕێڤەبرن
فۆتۆ: 
2019-08-21

310 جار خوێندراوەتەوە

دیجیتال میدیایا ئێن ئاڕ تی، دهۆک بێوار حلمی

ل پارێزگەها دهۆکێ بڕیارا ب ئەلکترۆنیکرنا کارێن ئەرزوحالچیان چوو د بیاڤێ جیبجیکرنێ دا، د نها دا مامەلە ب ٢٥ هزار دیناران ژ ئالیێ کۆمپانیێ ڤە دهێتە بڕێڤەبرن.

نووچەگەهانێ دیجیتال میدیایا ئێن ئاڕ تی ل دهۆکێ ڕاگەهاند، ژ دوهی ڤە بڕیارا ب ئەلکترۆنیکرنا ئەرزوحالچیان ل دادگەهێن دهۆکێ چوویە د بیاڤێ جیبجیکرنێ دا و کار پێ دهێتە کرن، د نها دا مامەلەیا وەلاتیان ژ ئالیێ کۆمپانیێ ڤە ب ٢٥ هزار دیناران دهێتە بڕیڤەبرن.

دیارکر ژی، ئەو کۆمپانیایا ب ڤی کاری ڕابوویە بەریتانی یە بناڤێ (ئێم فۆر) و هەیا مامەلەیا وەلاتی تەمام دبیت ٣٣ هزار دینار دهێنە مەزاختن.

دەربارەی چارەنڤیسێ وان ئەرزوحالچیێن کو پێشتر گرەڤ دگرتن و خرڤەبوونێن نەڕزیبوونێ ل دژی ڤێ بڕیارێ لداردخستن نووچەگەهانێ دیجیتال میدیایا ئێن ئاڕ تی دازانین، چ کەس ژ وان ئەرزوحالچیان نەهاتنە لادان و لسەر میلاکێ کۆمپانیایێ ب مووچەیێ ٧٠٠ هزار دیناران هاتنە دامەزراندن و کارێن خۆ دکەن.

ئەڤە ژی دەمەکێ دایە، کو پێشتر هاتبوو دیارکرن کۆمپانیا ناڤبری ب مەرەما بسیستەمکرنا کارێن ئەرزوحالچیان لهەڤهاتنەک بۆ دەما ٢٥ سالان دگەل وەزارەتا ناڤخۆیا هەرێمێ ئیمزا کریە، ڤێ یەکێ ژی نەڕازیبوونا ئەرزوحالچیێن هەر یەک ژ پارێزگەها دهۆکێ و قەزایا ئاکرێ، زاخۆ کو نێزیکی ١٦٠ کەسان بوون لێکەفت و دەست ب گرەڤا کارنێ کرن و داخوازکرن ئەو بڕیار بهێتە هەلوەشاندن.

س.م