سەرنووچە:

ئاکرێ.. جوتکارێ کو بەرهەمێ باجانێن خۆ هاڤێتی بۆ ئێن ئاڕ تی دئاخڤیت

پشتی کو دوهی بەرهەمێ باجانێن خۆ هاڤێتین
فۆتۆ: 
2019-08-20

1280 جار خوێندراوەتەوە

ئەو جوتکارێ خەلکێ ناحیەیا گردەسێنی کو بەرهەمێ باجانێن خۆ هاڤێتی بۆ ئێن ئاڕ تی دئاخڤیت، دبێژیت ژبەر بێ بهایێ وی ئەو کارە کریە.

جوتکارێ بناڤێ قەحتان کو خەلکێ ناحیەیا گردەسێنی یا سەر ب قەزا ئاکرێ یە سەدەما هاڤێتنا بەرهەمێ باجانێن خۆ بۆ ئێن ئاڕ تی زەلالدکەت و ددەتەزانین، کو بەرهەمێن وان د بازاری دا چ بهایەک نینە و کەدا وان دەرناکەت.

خویاکر ژی، "من ١٠ ملیۆن دینار بۆ بەرهەمئینانا باجان سورکان د ڤێ زەڤیا کشتوکالی دا مەزاختنە، هەیا نها تنێ دوو ملیۆن دینار بدەست من کەفتنە".

وێ یەکێ ژی دبێژیت، "ژبەر بێ بهایێ من هاڤێتنە، سندوقا ڤالا یا باجانێ ئەز ب ٤٠٠ دیناران دکڕم، دەمەکێ دا سندوقا تژی باجان ب هزار دینارانە"

داخواز دکەت ژی، وەزارەتا چاندن و حکومەتا هەرێمێ د هەوارا جوتکاران بچن و د وەرزێ پێگەهشتنا بەرهەمێن وان دا ڕێ ب هاتنا بەرهەمێن چاندنێ یێن بیانی نەدەن.

بەحسا وێ یەکێ ژی دکەت، کو ڕۆژانە ئەو دوو تەنێن باجان دچنیت، لێ چ بها نینە و تنێ ماندووبوونا وان بۆ دمینیت.

 وی جوتکارێ خەلکێ ناحیەیا گردەسێن یا سەر ب قەزا ئاکرێ دوهی د گرتەیەکا ڤیدیۆیی دا بەرهەمێ خۆ یێ باجان سورکان ژبەر بێ بهاییێ هاڤێتن و ژناڤبر، ڤێ یەکێ ژی دەنگڤەدانێن مەزن د تۆڕێن جڤاکی دا لدیف خۆ دا ئینان.

 پشتی وی جوتکاری ژی، جوتکارەکێ دی گرتەیەکا ڤیدیۆیی ل گوندێ هیزاوا یێ سەر ب قەزا زاخۆ بەلاڤکر و تێدا نێزیکی ٣٠٠ کیسێن بەرهەمێ خۆ یێ خیاران دهاڤێژیت، ددەتە زانین کو ژبەر بێ بهایێ ئەو کارە کریە.

 س.م