سەرنووچە:

سۆران عومەر: موچەیێ رێڤەبەراتیەکێ ل کوردستانێ ل موچەیێ ٢٣ وەزارەتان زێدەترە

فۆتۆ: 
2019-08-19

959 جار خوێندراوەتەوە

ئەندامەکێ پارلەمانێ کوردستانێ ئاشکرا دکەت، موچەیێ رێڤەبەراتیا خانەنشینیا لەشکەرى، کو خەلکى د بن حەفت ناڤان دا ناڤ نڤیس دکەن، ل موچەیێ فەرمانبەرێن ٢٣ وەزارەتێن حکومەتا هەرێمێ زێدەترە ، ب ئاوایەکێ خەرجیا مەهانە یا وێ رێڤەبەراتیێ ١٠٧ ملیار دینارن، تەکەز ژى دکەت، نەعەدالەتیەکا زێدە د وێ رێڤەبەراتیێ دا هەیە ، ژبەرکو خەلک هەبوویە " جاش و مستەشار بوویە" و هاتیە خانەنشین کرن.

سۆران عومەر ئەندامێ پارلەمانێ کوردستانێ کو د یداشتەکێ دا ئاراستەى سەرۆکاتیا پارلەمانى کریە ، داخواز ژ دوزگەرێ گشتى کریە وێ دۆسیەیێ بلڤینیت و ئاماژە کریە، " یەک جهـ ل حکومەتا هەرێمێ پارێ مەهانە گەلەک زێدەترە ل پارەیێ هەرسێ سەرۆکاتیا  و جڤاتا دادوەرى و ٢٣ وەزارەت و دەستە و دەزگەهان".

ئاماژە ژى کریە، " ئەو جهـ ژى خانەنشینیا لەشکەرییە، کو هاتیە نەیاسایى کرن و د نها دا حەفتت ناڤەند و دەزگەهـ هەنە کو دوو دەزگەهـ حکومینە و پێنج دەزگەهـ حزبینە و بکۆم خەلکى خانەنشین دکەن".

د یاداشتا وى پارلەمانتارى دا هاتیە، " مەهانە موچەیێ خانەنشینان وەهایە  ١٠٧ ملیار ینارە، زێدەتر یا نەعەدالەتیێ بۆ وان دوو حزبان هاتیە کرن ، تەنێ د سالا ٢٠١٣ێ دا کو سالا هەلبژارتنان بوویە ٢٧ هزار کەس ب ناڤێ پێشمەرگە هاتنە خانەنشین کرن".

وى پارلەمانتارى حەفت ناڤەند ئاشکرا کرنە کو هەیا نها ژى خەلکى خانەنشین دکەن ، ئەو ژى هەر یەک ژ "وەزارەتا شەهیدان، رێڤەبەراتیا گشتیا خانەنشینیا هەرێم، رێڤەبەراتیا گشتییا خانەنشینیا پێشمەرگە، خانەنشینیا پێشمەرگە د یەکەیا ٧٠ ل سلێمانی، خانەنشینیا پێشمەرگە ل یەکەیا ٨٠ ل هەولێر، خانەنشینیا پێشمەرگە ل دەزگەهێ ئەیلول و خانەنشینیا پێشمەرگە لە رێڤەبەراتیا خانەنشینیا هەولێر"ن.