سەرنووچە:

دەست ب نۆیژەنکرنا تونێلا دەربەندیخان هاتە کرن

تیمەکا نەوەی نوێ ژی ل وی جهی بەرهەڤبوون
فۆتۆ: 
2019-08-17

182 جار خوێندراوەتەوە

سەرێ سوبەها ئەڤرۆ تیما ئەندازیاریا نەوەی نوێ ئامێر و کەلوپەل بەرهەڤکرن و چوونە تونێلا دەربەندیخان، لێ ژ ئالیێ تیمەکا هاتنوچوونێ ڤە ڕێک هاتبوو داخستن و تیمەکا ڕێک و پران یا سلێمانیێ دەست ب کارکرن د تونێلێ دا کریە.

نووچەگەهانێ دیجیتال میدیایا ئێن ئاڕ تی ڕاگەهاند، تیما کو دەست ب نۆیژەنکرنا تونێلێ کریە تنێ تیما ڕێک و پران یا سلێمانیێ یە و تنێ چال و کورێن ناڤ تونێلێ چێدکەت.

گوت ژی، تیمێ ڕاگەهاندیە پێدڤی ب حەفتیەک بۆ دەهـ ڕۆژانە بۆ چارەسەرکرنا وان کێموکاسیان.

دایەزانین ژی، ئەو کومپانیا کو بڕیارە تونێلێ نۆیژەنبکەت هێشتا دەستبکارنەبوویە و بڕیارە حەفتیا داهاتی دەستبکارێن خۆ بکەت.

هەڤدەم مژدە مەحمود پەرلەمانتارا نەوەی نوێ د پەرلەمانێ کوردستانێ دا دیارکر، ئەو ل پەرلەمانێ کوردستانێ چاڤدێریا نۆیژەنکرنا تونێلێ دکەن و هیڤیدارن ئەڤ نۆیژەنکرنە پنیکرن نەبیت و چارەسەریا ئێکجاریا تونێلێ بکەن.

ئەڤە ژی پشتی وێ یەکێ دهێت کو حەفتیا دەربازبوویی شاسوار عەبدولواحید سەرۆکێ ڤەلڤینا نەوەی نوێ ڕاگەهاند، لسەر ئەرک و بودجەیێ خۆ دێ تونێلا دەربەندیخان نۆیژەنکەن، لێ وەزارەتا ئاڤەدانکرنا حکومەتا هەرێمێ ڕاگەهاند ئەو بخۆ دێ وی کاری کەن.

س.م

Image may contain: one or more people, sky, mountain, car, outdoor and nature