سەرنووچە:

سوریا.. چەکدارێن ئۆپۆزسیۆنێ بالەفرەکا سەربازی یا حکومەتێ ئێخست

ل پارێزگەها ئیدلبێ
فۆتۆ: 
2019-08-15

186 جار خوێندراوەتەوە

چەکدارێن ئۆپۆزسیۆنێ بالەفرەکا سەربازی یا حکومەتێ ل ئەسمانێ خان شیخون یا سەر ب پارێزگەها ئیدلبێ ئێخست و دیمەشقێ ژی نووچە پشتڕاست کر.

دەستەیا تەحریر شام کو بهێزترین گروپا چەکداریا ئۆپۆزسیۆنێ یە ل دەڤەرێ ڕاگەهاند، ئەو بالەفرا ئیخستی ژ جورێ (سوخۆی-٢٢) یا ڕوسی بوویە، کو ل بنگەهێ ئەسمانیێ پاریزگەها حمسێ هاتبوو ئەسمانێ دەڤەرا وان.

هەڤدەم حکومەتا دیمەشقێ دیارکریە، نووچەیا ئێخستا بالەفرێ ڕاستە و هەیا نها چارەنڤیسێ بالەفرڤانی نەدیارە.

ئیدلب و بەشەک ژ پارێزگەهێن حەما و حەلەب و لازقیێ، تاکە پێگەهن دبن کۆنترۆلا چەکدارێن ئۆپۆزسیۆنا سوریایێ دا و چەند مەهن ژی ئارتێشا حکومەتێ هێرشێن خۆ بۆ سەر وان دەڤەران دەستپێکرنە.

ئەڤە ژی دەمەکێ دایە، هێزێن سوریا ب پشتەڤانیا ئەسمانی یا ڕوسیا ژ کۆنترۆلکرنا باژارۆکێ خان شیخون نێزیکبوویە، کو پێگەهەکێ ستراتیژی هەیە و ل سالا ٢٠١٧ێ ب گازا سارین هێرش بۆ سەر وێ هاتە کرن.

س.م