سەرنووچە:

زێدەبارى کو سوبەهى بهێنڤەدانە، لێ حکومەتا هەرێمێ دەست ب نۆژەنکرنا تۆنێلا دەربەندیخان کریە

فۆتۆ: 
2019-08-14

475 جار خوێندراوەتەوە

زێدەبارى کو سوبەهى بهێنڤەدانە، وەزارەتا ئافەدانکرن و نیشتەجێبوونا حکومەتا هەرێمێ بریار دا تۆنێلا دەربەندیخان بۆژەن بکەت ، پشتى کو تیما ئەندازیاریا نەوەى نوێ بریار دابۆ د دەما حەفتیەکێ دا دێ تۆنێلێ نۆژەن کەن.

مەریوان مەلاحەسەن پەیڤدارێ وەزارەتا ئاڤەدانکرن و نیشتەجێ بوونێ  راگەهاند، دانا عەبدولکریم وەزیرێ ئاڤەدانکرن و نیشتەجێ بوونێ  تیما وەزارەتێ بۆ نۆژەنکرنا تۆنێلێ هاتنە راسپاردن.

 هەروەسا گۆت ، سوبەهى دێ تیم دەست بکاربن و رێکێن پێتڤى دێ گرنە بەر بۆ نۆژەنکرنا تۆنێلێ.

ئەڤە ژی دەمەکێ دایە، دوهی سەرۆکێ ڤەلڤینا نەوەی نوێ ڕاگەهاند، د دەما ئێک حەفتیێ دا تیما ئەندازیاریا نەوەی نوێ دێ تونێلا دەربەندیخان نۆیژەنکەن و قایمقامێ وێ قەزایێ ژی ڕاگەهاند، ئەگەر مۆلەتا ڕێک و پڕان وەربگرن دێ پێشوازیێ ژ وێ پێنگاڤێ کەن.

تۆنێلا دەربەندیخان درێژاهیا وێ ٧٥٠ مه‌تره‌ و بلندى ٩ مه‌تره‌ ، ژ ئالیێ کۆمپانیەکا بەریتانى سالا ١٩٥٩ هاتیە دروست کرن زێدەتر نیڤ سەدەیە لسەر دروستکرنا وێ دەربازدبن.