سەرنووچە:

ئەنبار.. د ئۆپراسیۆنەکێ دا ١٠ چەکدارێن داعش هاتن کوشتن

 پێنج بریندار بوون
فۆتۆ: 
2019-08-14

160 جار خوێندراوەتەوە

دەزگەهێ دژە تیرۆرا عێراقێ راگەهاند، د ئۆپراسیۆنەکێ دا ل بیابانا ئەنبار ١٠ چەکدارێن داعش هاتن کوشتن و پێنجێن دى ژى بریندار بوون.

دەزگەهێ دژە تیرۆرێ ئاماژە ب وێ یەکێ ژى کر، د ئۆپراسیۆنێ دا ل دەڤەرا روتبە و دولا حوران هاتیە کرن، دوو ژ وان چەکدارێن هاتین کوشتن قایشا بۆمبرێژکرى گرێدابوو.

بەحسا وێ یەکێ ژى کر، پشتى بدەست گەهشتنا زانیاریێن هوور یێن ئیستیخباراتى دەربارێ ڤەلڤینێن بەرمایکێن داعش ، ئۆپراسیۆن برێڤە بریە و پێنج چەکدارێن داعش ژى هاتنە دەستەسەرکرن.

دەمەکە ڤەلڤین و هێرشێن داعش بۆ سەر هێزێن ئەولەهیێ و لەشکەرى ل پارێزگەهێن نەینەوا، کەرکوک، ئەنبار، سەڵاحەدین و دیالە زێدە بوونە ل داوى هێرشێن شەڤا سێ شەمبیێ ل نێزیک داقوق و حەویجە دوو چەکدارێن حەشدا شەعبى کوشتن.