سەرنووچە:

د بوویەرەکا هاتنوچوونێ دا لسەر ڕێکا دهۆک – باعەدرێ دوو کەس برینداربوون

فۆتۆ: 
2019-08-14

410 جار خوێندراوەتەوە

دیجیتال میدیایا ئێن ئاڕ تی، شێخان، تائیف گۆران

نووچەگەهانێ دیجیتال میدیایا ئێن ئاڕ تی ل جهێ بوویەرێ ڕاگەهاند، د ئەنجاما بوویەرەکا هاتنوچوونێ دا لسەر ڕێکا دهۆک – باعەدرێ دوو کەس برینداربوون، بۆ نەخۆشخانەیا تەنگاڤیان یا دهۆک هاتنە ڤەگوهاستن.

دیارکر ژی، بوویەر ژ جورێ لێکدان د ناڤبەرا دوو تڕۆمبێلان دا بوویە و زەرەرێن مەزن یێن مادی بەر هەردوو تڕۆمبێلان کەفتیە.

ئەڤە ژی دەمەکێ دایە، هەر ئەڤرۆ ئازاد تەها پەیڤدارێ هاتنوچوونا دهۆکێ دەربارەی بوویەرێن هاتنوچوونێ د ڕۆژێن جەژنێ دا بۆ ئێن ئاڕ تی ڕاگەهاند، د هەر چار رۆژێن جەژنێ دا ل سنورێ پارێزگەها دهۆکێ ١٠ بوویەرێن هاتنوچوونێ دروست بووینە سێ کەسان جانێ خۆ ژ دەستدانه و ٢٩ کەسێن دی ژی برینداربووینه کو برینا ١٠ ژ وان گرانن و لبن چاڤدێریا نوژدارانن.

س.م