سەرنووچە:

مەلا هەلۆ: پەشیمانم و دێ تۆبە کەم

دەربارەی کلیپا ماریا هەورامی
فۆتۆ: 
2019-08-14

934 جار خوێندراوەتەوە

پشتی کو د تۆمارەکا دەنگی دا مەلا هەلۆ هێرشی سەر ماریا هەورامی یا سترانبێژ کری، کو ل جادەیا سەهۆلەکە یا باژێرێ سلێمانیێ کلیپەکا نوو دروستکر و بەلاڤکری، ناڤبری پەشیمانیا خۆ نیشاندا لسەر ئاخافتنێن خۆ و گوت، "دێ تۆبەکەم و وێ خۆشکێ ژی هەر چی هەیە بلا ل دادگەهێ داخواز بکەت و بەرهەڤم بچمە دادگەهێ".

مەلا هەلۆ کو د تۆمارەکا دەنگیدا چەند ئاخافتنێن "بێڕێز" ل هەمبەر وێ هونەرمەندێ بکارئینان، د تۆمارەکا دی یا دەنگی دا بەحسا وێ یەکێ دکەت، کو ئەو ئاخافتنێن وی د بەرسڤا مەلایەکێ دی دا بوونە و بۆ ڕایا گشتی ئەو ئاخافتن نەکرنە، تنێ بۆ هەڤالەکێ خۆ هنارتیە و دگەل بەلاڤکرنێ ژی دا نەبوویە.

گوت ژی، "کارێ وێ سترانبێژێ کارەکێ نەشەرعیە و هەیا بمینم دێ بزاڤان کەم ڕێگریێ ژ وان کاران بکەم، لێ ئەو جورێ ڕێگریا من یێ جوان نەبوو".

ئەو یەک ژی ڕاگەهاندیە، سڤکاتی ب هەورامیێ نەکریە، بەلکو ئەو بخۆ هەورامییە و شانازیێ ب هەورامی بوونا خۆ دکەت و ئەو هونەرمەندە ژی خزما نێزیکا وی و پێدڤیبا ژ نێزیکڤە دگەلدا ڕۆنشتبا و دگەل ئاخافتبا، نەک ژ دوورڤە بەحس بکەت.

دایەزانین ژی، "دێ سەرەدانا ماریا هەورامی کەم و دگەل کەسوکارێن وێ دانیشم و ئاخافتنێن خێرێ بۆ کەم و خزما منە".

ئەڤە ژی دەمەکێ دایە، پشتی بەلاڤبوونا کلیپەکا نوو یا هونەرمەند ماریا هەورامی ل جادەیا سەهۆلەکە یا سلێمانیێ و پشکداریپێکرنا خەلکی د کلیپێ دا، کارڤەدانێن جودا د تۆڕین جڤاکی لدیف خۆ دائینان.

س.م