سەرنووچە:

شاسوار عەبدولواحید: دێ تەحەدایێن خۆ زێدەکەین و ڕووناهیێ بۆ تۆنێلێ دانین و بۆیاخ ژی کەین

فۆتۆ: 
2019-08-14

159 جار خوێندراوەتەوە

پشتی کو شاسوار عەبدولواحید ڕاگەهاند، دێ تونێلا دەربەندیخان نۆیژەنەکەن، د کۆمێنتەکێ دا تەحەدایێن خۆ زێدەکرن و بەحسا وێ یەکێ کر، دێ تۆنێلێ بۆیاخ ژی کەن و ڕووناهیێ ژی بۆ دانن.

سەرۆکێ ڤەلڤینا نەوەی نوێ نڤیسیە، "دەما دوو ڕۆژانە مە تیم هنارتنە، دەمەکێ درێژە هەوە دەنگ نینە، لێ نها ژ نشکڤە دبێژن دێ چێکەین".

گوت ژی، ڕۆژا شەمبیێ دەست بکاری دکەن و دێ بزاڤان کەن هەیا پێجشەمبیێ هەموویێ تەمام کەن، د خرابترین حالەت ژی دا دێ د حەفت ڕۆژان دا تەمام کەن.

بەحسا وێ یەکێ ژی کر، "ئەگەر هوون حەش باژێرێ خۆ دکەن، ڕێگریێ ژ مە نەکەن و بزانن ئەم ڕاستگۆینە و دێ وی کاری کەین یان نە؟".

ئەڤە ژی دەمەکێ دایە، دوهی سەرۆکێ ڤەلڤینا نەوەی نوێ ڕاگەهاند، د دەما ئێک حەفتیێ دا تیما ئەندازیاریا نەوەی نوێ دێ تونێلا دەربەندیخان نۆیژەنکەن و قایمقامێ وێ قەزایێ ژی ڕاگەهاند، ئەگەر مۆلەتا ڕێک و پڕان وەربگرن دێ پێشوازیێ ژ وێ پێنگاڤێ کەن.

س.م