سەرنووچە:

ڤیدیۆ.. کوگەهەکا چەک و تەقەمەنیان ل بەغدا تەقى و د ئەنجام دا ١٥ کەس بریندار بوون

ل ناڤا سەربازگەها سەقەر یا سەر ب حەشدا شەعبى
فۆتۆ: 
2019-08-12

142 جار خوێندراوەتەوە

میدیایێن عێراقێ بەلاڤکرن، کوگەهەکا چەک و تەقەمەنیان یا حەشدا شەعبى ل ناڤچەیا دۆرە ل باشورێ بەغدا تەقى و د ئەنجام دا ١٥ کەس بریندار بوون

لگۆر میدیایێن عێراقى، ئێڤاریا ئەفرۆ ١١ێ تەباخا ٢٠١٩ێ تەقینەک ل ناڤچەیا ئەبودشیر یا قەزایا دۆرە روودا و دومانەکا زێدە ناڤچە ڤەگرت و د ئەنجام دا ١٥ کەس بریندار بوون و د ناڤدا زارۆک ژى هەنە.

هەڤدەم فەرماندێ ئۆپراسیۆنا بەغدا راگەهاند، تەقینا کۆگەهێ ل ناڤا سەربازگەها سەقەر یا سەر ب حەشدا شەعبى بوویە و دگەل تەقینا کوگەهێ چەند هاونەک ب ئاراستەیا دەڤەرا کەسک کەفتینە خوار  و بالیۆزخانەیا ئەمریکا ژى زەنگا ئاگەهدارکرنێ لێدایە.

د دەما سالێن دەربازبوویى دا ل هەولێر و سلێمانى و دهۆک و بەغدا چەندین کوگەهێن چەک و تەقەمەنیێ تەقینە و هەیا نها سەدەما تەقینێ ئاشکرا نەبوویە.