سەرنووچە:

هاتنوچوونا دهۆکێ ئامارا بوویەرێن یەکەم رۆژا جەژنێ بەلاڤکر

دوو زارۆک برینداربوونە
فۆتۆ: 
2019-08-12

213 جار خوێندراوەتەوە

نووچەگەهانێ دیجیتال میدیایا ئێن ئار تى، دهۆک، بێوار حلمى

پەیڤدارێ هاتنوچوونا دهۆکێ راگەهاند، د یەکەم رۆژا جەژنا قوربانێ دا ٤ بوویەرێن هاتنوچوونێ ل سنورێ پاێزگەها دهۆکێ روودانە.

ئازاد تاها پەیڤدارێ هاتنوچوونا دهۆکێ بۆ دیجیتال میدیایا ئێن ئار تى راگەهاند، د یەکەم رۆژا جەژنا قوربانێ دا ٤ بوویەرێن هاتنوچوونێ ل سنورێ پاێزگەها دهۆکێ روودانە و ب وێ سەدەمێ ژى ل زاخۆ دوو زارۆک برینداربوونە.

پەیڤدارێ هاتنوچوونا دهۆکێ ئەو یەک ژى دایە زانین، ئەو بوویەرێن هاتنوچوونێ ل قەزایا زاخۆ کو دوو زارۆک بریندار ببوون ژ جورێ لێدان بوونە.

بوویەرێن هاتنوچوونێ ب یەکەم سەدەما جان ژ دەستدانا وەلاتیان د هەرێما کوردستانێ دا دهێتە دانان، لگۆری ئاماران ژی د ١٥ سالێن دەربازبوویی دا، ل هەرێما کوردستانێ زێدەتری ١٠ هزار کەسان جانێ خۆ ژ دەستدانە و زێدەتری ١٠٠ هزار کەسان ژی کێمئەندام و برینداربوونە.