سەرنووچە:

بەرەڤانیا عێراقێ بڕیارەک دەربارەی بریندارێن شەڕێ داعشێ دەرکر

فۆتۆ: 
2019-08-12

592 جار خوێندراوەتەوە

وەزارەتا بەڕەڤانیا عێراقێ ڕاگەهاند، تەڤاهیا بریندارێن شەڕێ دژی داعشێ ب مووچەیێ تەمام دێ هێنە خانەنشینکرن.

فەلاح شەمەری وەزیرێ بەڕەڤانیا عێراقێ دیارکر، ب هەڤکاری دگەل ئالیێن پەیوەندیدار کاردکەن ژبۆ وێ یەکێ کو مافێ شەهید و بریندارێن شەڕێ دژی داعشێ دابین بکەن.

گوت ژی، ژ وان مافێن کو پێشکەشی برینداران دکەن ئەوە د دەما خانەنشینکرنێ دا تەڤایا مووچەیان بۆ خەرجبکەن، د چەند ڕۆژێن داهاتی دا ژی دێ دابینکرنا چەندین مافێن دی ڕاگەهینن.

بەحسا وێ یەکێ ژی کر، تەڤایا پێدڤیێن تایبەت بۆ برینداران دابین دکەن هەیا بتەمامی باشببن، بۆ وێ یەکێ ژی ب مەرەما چارەسەریێ دێ بۆ دەرڤەی ولاتی هنێرن.

د شەڕێ داعشێ دا ب هزاران لەشکەرێن هێزێن ئارتێشا عێراقێ شەهیدبوون، ب سەدان هزار وەلاتی و ئەندامێن هێزێن ئەولەهیێ ژی بریندار و کێمئەندامبوون.

س.م