سەرنووچە:

عێراق.. کۆمسیۆن دۆماهیک دەمی بۆ قەوارەیێن سیاسی دیار دکەت

فۆتۆ: 
2019-08-10

144 جار خوێندراوەتەوە

کۆمسیۆنا بلندا هەلبژارتنێن عێراقێ ڕاگەهاند، مەها جۆتمەها ئەڤ سالە دۆماهیک دەم دبیت بۆ ڕادەستکرنا لیستا وان قەوارەیێن سیاسیێن د هەلبژارتنێن جڤاتا پارێزگەهان دا پشکدار دبن.

کۆمسیۆنا بلندا هەلبژارتنێن عێراقێ د ڕاگەهاندنەکێ دا بەحسا وێ یەکێ کر، "ڕۆژا ١ێ جۆتمەها ٢٠١٩ێ دۆماهیک دەم دبیت بۆ ڕادەستکرنا ناڤ و لیستێن وان قەوارەیێن سیاسیێن دخوازن د هەلبژارتنێن داهاتیێن جڤاتا پارێزگەهێن عێراقێ دا پشکدارببن".

بەحسا وێ یەکێ ژی کر، کۆمسیۆن داخوازێ ژ قەوارەیێن سیاسی دکەت لەزێ بکەن و د دەمێ دیارکری دا ناڤ و لیستا قەوارەیێن سیاسیێن خۆ ڕادەستبکەن.

ئەڤە ژی دەمەکێ دایە، ڕۆژا ٢٣ێ تیرمەهێ پەرلەمانێ عێراقێ هەلبژارتنا جڤاتا پارێزگەهێن عێراقێ پەسەندکر و لگۆری یاسایێ ژی بڕیارە ١ێ نیسانا ٢٠٢٠ هەلبژارتنا جڤاتا پارێزگەهێن عێراقێ ژبلی پارێزگەهێن هەرێما کوردستانێ بڕێڤەبچیت.

س.م