سەرنووچە:

حکومەتا عێراقێ بریاردا ب دانا جەژنانەیێ بۆ ڤێ چینا جڤاکى

ب کۆژمێ ١٠٠ هزار دیناران
فۆتۆ: 
2019-08-06

3455 جار خوێندراوەتەوە

حکومەتا عێراقێ بریاردا  ب دانا جەژنانەیێ ب کۆژمێ ١٠٠ هزار دیناران ، بۆ وان کەسێن کو موچەیێ چاڤدێریا جڤاکى ڤەدگریت.

باسم عەبدولزەمان وەزیرێ کار و هەڤدەم سەرۆکێ دەستەیا چاڤدێریا جڤاکى راگەهاند، جڤاتا وەزیران ل جڤینا رۆژا سێ شەمبیا ٦ێ تەباخا ٢٠١٩ێ دا ، رازیبوون لسەر نڤیسەکا وەزارەتا وان نیشاندایە ، ب پێدانا جەژنانەیێ ب کۆژمێ ١٠٠ هزار دیناران ، بۆ وان کەسێن کو موچەیێ چاڤدێریا جڤاکى ڤەدگریت.

بەریا نها وەزیرێ کار نڤیسەک ئاراستەى جڤاتا وەزیران کربوو بۆ پێدانا جەژنانەیێ ب چینا چاڤدێریا جڤاکى ، هەیا کو بەشەک ژ ئێش و مەینەتیێن وێ تۆێژا کۆمەلگەهێ کێم بکەت و بارێ سەر ملێن وان سڤک بکەت و جەژنا قوربانى بۆ بکەتە خوشیەک.

ئەڤرۆ سێ شەمبیێ جڤاتا وەزیرێن عێراقێ جڤینەکا ئاسایى دەستپێکر بۆ کۆتوبێژێ دەربارێ پرۆژە یاسایان و گوهەرتنێن جوودا د بیاڤێ سیاسى و ئابووریى و جڤاکى.