سەرنووچە:

وێنە.. حەشدا شەعبی خۆنيشاندانەک کر و رێکا موسل – هەولێر داخست

ل دژى ڤالاکرنا بارەگەهێن وان ل مۆسل
فۆتۆ: 
2019-08-05

421 جار خوێندراوەتەوە

هێزێن حەشدا شەعبى ل مۆسل خۆنیشاندانەک رێکخست و خۆنیشاندەران ژى رێکا سەرەکى یا هەولێر ــ موسل داخست.

سەرێ سپێدەهیا ئەڤرۆ ل مۆسل ل دژى بریارا حکومەتا عێراقێ دەربارێ ڤالاکرنا بارەگەهێن وان ل وى باژارى ، چەکدارێن حەشدا شەعبى خۆنیشاندانەک رێکخست و خیڤەت ل ناڤا جاددەیێ دانان.

شاهد حالەک ل نێزیک خۆنیشاندانێ بۆ دیجیتال میدیایا ئێن ئار تى راگەهاند، خۆنیشاندەران داخواز ژ حکومەتا عێراقێ کر ، بریارێ هەلوەشینن و هەیا داخوازیێن وان نەهێنە جێبەجێکرن دێ ل خونیشاندانێ بەردەوام بن.

ئاماژە ب وێ یەکێ ژى کر، هێزێن حەشدا شەعبى سوزنامە  ب وەلاتیان تژى کریە کو دڤێت پشکدارى خۆنیشاندانێ بن و لافیتەیان بلند بکەن، داخواز ل دوکانداران ژى کرینە دوکانێن خۆ داخیخن ئەگەر نە دێ هینە سزادان.

ئەو خۆنیشاندان د دەمەکێ دایە ، بەریا نها حکومەتا عێراقێ بریار دابوو کو هێزێن حەشدا شەعبى ل نافا موسل بارەگەهێن خۆ ڤالا بکەن.