سەرنووچە:

وەزیرێ ناڤخۆ رێڤەبەرێ پۆلیسێن بەغدا ل کار دوورخست

فۆتۆ: 
2019-08-03

352 جار خوێندراوەتەوە

ب سەدەما رەڤینا هەژمارەکا زیندانیان ل بنگەهەکێ پۆلیسان ، وەزیرێ عێراقێ رێڤەبەرێ پۆلیسێن بەغدا ل پۆستێ وى دوورخست.

د راگەهاندنەکێ دا ياسين تاهیر یاسرى وەزیرێ ناڤخۆ یێ عێراقێ ئەڤرۆ شەمبیێ بریارا دوورخستنا عەلى غەریرى رێڤەبەرێ پۆلیسێن بەغدا دا ب سەدەما رەڤینا هەژمارەکا زیندانیان ل بنگەهێ پۆلیسێن قەنات.

ئاماژە ب وێ یەکێ ژى کریە، ژبلى دوورخستنا رێڤەبەرێ پۆلیسێن بەغدا ، وەزیرێ ناڤخۆ هەر یەک ژ رێڤەبەرێ پۆلیسێن رەسافە و رێڤەبەرێ بەشێ پۆلیسێن بابولشێخى ل پۆستێن وان دوورخستن.

هەڤدەم لیژنەیەک ژى هاتە پێکئینان بۆ دیڤداچوونا رەڤینا وان زیندانیێن کو ل بنگەهێ پۆلیسێن قەنات ل رۆژهەلاتا بەغدا هاتبوون دەستەسەر کرن.

لگۆر میدیایێن عێراقێ کو ل زاردەڤێ ژێدەرێن ئەولەهیا بەغدایێ بەلاڤکرینە، هەژمارا وان زیندانیان ١٥ زیندانى بوونە.