سەرنووچە:

دەمێ نووکرنا تۆمارا دەنگدەران ل کەرکوکێ و موسلێ هاتە درێژکرن

 بۆ دەمێ دوو مەهـ و نیڤا
فۆتۆ: 
2019-08-02

136 جار خوێندراوەتەوە

پەیڤدارێ کۆمسیۆنا بلندا هەلبژارتنێن عێراقێ ڕاگەهاند، جڤاتا کۆمسیاران بڕیار دایە دەمێ نووکرنا تۆمارا دەنگدەران ل کەرکوکێ و موسلێ درێژ بکەت.

ریاز بەدران ڕاگەهاند، ئەو بڕیار یا پشتگرێدایە ب بەندا دوویێ ژ ماددەیا ٤٧ ێ یاسایا هەلبژارتنا جڤاتا پارێزگەهان یا هەژمارە ١٢ێ سالا ٢٠١٨.

دازانین ژی، دەمێ درێژکری ل ١ێ تەباخا ٢٠١٩هەیاتا ١٥جوتمەها ٢٠١٩ دێ دەستپێکەت و ئەو یەک ژی ب سەدەما ڕەوشا تایبەت یا وان هەردوو پارێزگەهانە ژبەر ئاوارە بوونا ئاکنجیێن وان.

 بەدران داخواز ژ دەنگدەرێن ئاوارەیان کر، ئەوێن کو مافێ دەنگدانێ ل وان هەردوو پارێزگەهان هەیە بچن ناڤێن خۆ ل تۆمارا دەنگدەران نوو بکەن و پرۆسەیا ڤەگوهاستنا ناڤەندا دەنگدەران بکەن بۆ نێزیکترین جهێ ئاکنجی بوونێ.

پەیڤدارێ کۆمسیۆنا بلندا هەلبژارتنان داخواز ژ تەڤایا دەنگدەرێن پارێزگەهێن عێراقێ ژ بلی هەرێما کوردستانێ کر ناڤێن  خۆ نوو بکەنەڤە و ( بایۆمەتریێ) بکەن هەیا کو ل هەلبژارتنێن داهاتوویا جڤاتا پارێزگەهان بکارن کو بڕیارە ل ١ێ نیسانا ٢٠٢٠ ێ دا بڕێڤە بچیت.

س.ع