سەرنووچە:

عێراق و ئیران هەستیێن ٨٠ لەشکەران رادەستى هەڤدوو کرن

فۆتۆ: 
2019-08-01

175 جار خوێندراوەتەوە

لیژنەیا خاچا سور یا ناڤدەولەتى راگەهاند، عێراق و ئیران هەستیێن ٨٠ لەشکەرێن شەرێ هەشت سالیا ناڤبەرا خۆ رادەستى هەڤدوو کرن.

لیژنەیێ د راگەهاندنەکێ دا بەحسا وێ یەکێ کر، ئەڤرۆ پێنج شەمبیێ ١ێ تەباخا ٢٠١٩ێ ئالیێ عێراقى هەستیێن ٥٤ لەشکەرێن خۆ ل ئیرانێ وەرگرتن ، کو د شەرێ وان یێ هەشت سالى ل سالێن هەشتێن دا هاتە کوشتن.

ئاماژە ژى کر ، د هەمبەر دا ئالیێ ئیرانێ هەستیێن ٢٦ لەشکەرێن وەلاتێ خۆ ل عێراقێ وەرگرتن.

هەروەسا زەلال کر، وەرگرتنا هەستیان ل دەرازینکا سومار ل ناحیا مەندەلى یا پارێزگەها دیالا بوویە ، ب بەرهەڤبوونا بەرپرسێن هەردوو وەلاتان  و نونەرێن  لیژنەیا خاچا سور یا ناڤدەولەتى.

ئەڤە د دەمەکێ دایە ، ل سالا ١٩٩٦ یەکەم لهەڤگوهەرتنا هەستیێن لەشکەرێن هەردوو وەلاتان هاتە کرن ، کو ل سالا ١٩٨٠ێ بۆ ١٩٨٨ێ ل بەرەیێن شەر دا هاتبوون کوشتن  و هەیا نها ٣٣ێ پرۆسە برێڤە چوونە کو عێراقێ هەستیێن دوو هزار و ٣٠٢ لەشکەرێن خۆ وەرگرتینە و ئالیێ ئیرانى هەستیێن هزار و ٨٠٧ لەشکەرێن خۆ وەرگرتینە.