سەرنووچە:

​عێراق.. داخواز ژ دیوانا چاڤدێریا دارایی دهێتەکرن هووربینیێ بۆ هەژمارا فەرمانبەرێن هەرێمێ بکەت

ناکۆکیێن ناڤبەرا  هەولێرێ و بەغدا لسەر هەژمارا فەرمانبەران
فۆتۆ: 
2019-08-01

437 جار خوێندراوەتەوە

جێگرێ یەکەمێ سەرۆکێ پەرلەمانێ عێراقێ دگەل لیژنەیێن دارایی و نەفتێ و سەرۆکێ دیوانا چاڤدێریا دارایی و دەستەیا دەستپاقژی جڤیا و داخواز ژ دیوانا چاڤدێریا دارایی کر هووربینیێ بۆ هەژمارا فەرمانبەرێن هەرێمێ بکەت.

حەسەن کەعبی، د جڤینێ دا دگەل لێژنەیێن دارایی و نەفتێ و سەرۆکێ دیوانا چاڤدێریا دارایی و دەستەیا دەستپاقژیێ راگەهاند، ئاریشەیا فرۆتنا نەفتا هەرێمی پشکا بوجەیا هەرێمێ د یاسایا بوجەی دا ئاریشەیەکا نوو نینە و ئەو وەک پەڕلەمانێ عێراقێ ڕشدن لسەر چارەسەریەکا یاسایی و داوی ئینان ب ڤێ ئاریشەیێ.

دازانین ژی، هەموو لسەر وێ یەکێ هەڤنێرین بوون  کو پێدڤیە هەرێم پێگیربیت ب یاسایا بوجەیێ و رادەستکرنا ٢٥٠ هەزار بەرمیلێن نەفتێ ب بەغدایێ.

پشکداربوویێن جڤینێ لسەر چەند ڕاسپاردەیان ڕیکەفتنە دناڤ دا پێگیرکرنا وەزارەتا دارایی ب جێبجێ کرنا ماددەیا ١٠ێ یاسایا بوجە و ئەوا گرێدایە ب پشکا هەرێمێ و پێگیربوونین هەرێمێ لهەمبەری حکومەتا عێراقێ.

د جڤینی دا تەکەز لسەر وێ یەکێ هاتیە کرن، لسەر پێدڤیا ژماردنا وان زەرەرێن بەر بوجەیا عێراقێ دکەڤیت ب سەدەما ڕادەستنەکرنا نەفتێ ژ ئالیێ هەرێمێ ڤە، دگەل بەردەوامی دان ب گوتوبێژێن ناڤبەرا هەولێرێ و بەغدا بۆ چارەسەرکرنا تەڤایا ئاریشەیان.

س.ع