سەرنووچە:

​ل سەرسنورێ ناڤبەرا تورکیا و یۆنان ٢٥٠ پەنابەر هاتنە دەستەسەرکرن

بۆ چاڤدێریکرنا پەنابەران ل تورکیا و یونانێ بالونان بکار دئینیت
فۆتۆ: 
2019-07-31

319 جار خوێندراوەتەوە

حکومەتا تورکیا سنورێ خۆ ب ڕوویێ پەنابەراندا بهێزتر کریە، ئەڤرۆ ل سەرسنورێ ناڤبەرا تورکیا و یۆنان ٢٥٠ پەنابەر هاتنە دەستەسەرکرن.

ڕۆژ عەزیز نوونەرێ فدراسیۆنا سەرتاسەریا پەنابەرێن عێراقێ ل تورکیا بۆ دیجیتال میدیایا ئێن ئاڕ تی ڕاگەهاند، هەیا دهێت سنور ژ ئالیێ حکومەتا تورکیا ل دژی پەنابەران دهێتە بهێزتر کرن، ئەو وەلات ژی هەموو ڕێکارەکێ دگریتەبەر هەیا کو ڕێکێ ل کۆچبەران بگریت، سپێدەهیا ئەڤرۆ ژى ل باژارێن ئیزمیر و دەڤەرا چەشمە و ئەدرنە و چەند باژارێن دى نێزیکى ٢٥٠ پەنابەر هاتینە دەستەسەرکرن.

ئەو یەک ژى راگەهاند، د نها دا تورکیا بۆ چاڤدێریکرنا پەنابەران ل سنورێن تورکیا و یونانێ بالونان بکار دئینیت ، کو کامیرا چاڤدێرییێ پێڤە یە و بسەر دەریایان دا دزڤریت.

نوونەرێ فیدراسیونا سەرتاسەرى یا پەنابەرێن عێراقێ ئاماژە کر، هەیا نها ژى هەر پەنابەرەکێ عێراقى ل سنورێن تورکیا بهێتە گرتن دهێتە زیندان کرن و بۆ چەند رۆژان دیپۆرتا عێراقێ دهێتە کرن.