سەرنووچە:

عەبدولمەهدی: چار وەزیر تێکەلى دۆسیەیا گەندەلیێ بوونە

فەرمانا دەستەسەرکرنێ بۆ ١١ وەزیرێن دى هەیە
فۆتۆ: 
2019-07-24

445 جار خوێندراوەتەوە

سەرۆک وەزیرێ عێراق ڕاگەهاند، زێدەتر ژ هزار دۆسیەیێن گەندەلیێ بۆ دادگەها تایبەتمەند شاندنە و چار وەزیر تێکەلى دۆسیەیا گەندەلیێ بوونە ، و فەرمانا دەستەسەرکرنێ بۆ ١١ وەزیرێن دى هەیە.

عادل عەبدولمەهدی سەرۆک وەزیرێ عێراق د کۆنفرانسەکا حەفتیانە دا ئاماژە کر، "دێ دیڤداچوونێن بەردەوام بۆ دۆسیەیێن گەندەلیێ کەین و بۆ مە دەرکەفتیە کو هزار و ٢٠٠ دۆسیەیێن گەندەلیێ هەنە و بۆ دادگەها تایبەتمەند هاتنە شاندن ، و زێدەتر ٢٠٠ کەس لسەر کەیسێن گەندەلیێ بۆ دادگەهێ شاندینە ژ وان ژى چار وەزیرن و فەرمانا دەستەسەرکرنێ بۆ ١١ وەزیران هەیە".

ئاماژە ب وێ یەکێ ژى کریە، دخوازن رێکخستنێ ل ناڤ هێزێن چەکدار بکەن و تایبەت ناڤ هێزێن حەشدا شەعبى کو زێدە کەتیبە هەنە دڤێت ل چارچووڤەیا هێزێن عێراقى دا بهێنە رێکخستن.

ئەو یەک ژى دازانین، ئۆپراسیۆنێن وان بۆ  ژناڤبرنا پاشمایێن داعشێ دێ بەردەوام بن هەیا کو نکار چالاکیان دژى خەلکێ مەدەنى ئەنجام بدەن بۆ وێ مەرەمێ ژى هەماهەنگیا تمام ناڤبەرا پۆلیس و حەشدا شەعبى دا هەیە.

بەحسا وێ یەکێ ژى کر، رێکێ نادەن چ هێزەک ل دەرڤەى دەستهەلاتێ درۆست بیتن.