سەرنووچە:

ئینتەرپول ناڤێ سالح موسلیم ژ لیستا سور یا داخوازکری دەرخست

تەڤایا داخوازیێن تورکیا هاتنە ڕەتکرن
فۆتۆ: 
2019-07-23

174 جار خوێندراوەتەوە

پۆلیسێ ناڤدەولەتی یا ئینتەرپولێ ناڤێ سالح موسلیم هەڤسەرۆکێ بەرێ یێ پەیەدێ ژ لیستا سورا داخوازکری دەرخست.

مەحمود فیفا پارێزەرێ دۆسیا وی ڕاگەهاند، ئینتەرپول داخوازیەکا تورکیا بۆ ڤەمانا سالح موسلیم ژ لیستا سۆر پشتگوێ هاڤێتیە، ب سەدەما وان تۆهمەتێن کو ڕووبڕوویێ وی هاتینە کرن چ بنەمایەک نەبوویە.

مەحمود فیفا بەحسا وێ یەکێ ژی کر، تورکیا داخوازا وێ یەکێ کریە کو تەڤایا وان کەسان بئێخیتە لیستا سۆر کو ڕەخنەیان ل سیاسەتا وی دگرن، بیێ پشت گرێدان ب بنەمایێن سیاسی، ب وێ سەدەمێ ژی پۆلیسێ ئینتەرپولێ تەڤایا داخوازیێن تورکیا ڕەتکرن.

سالا دەربازبووی سالح موسلیم لسەر داخوازا تورکیا ل وەلاتێ چیکێ هاتە دەستەسەرکرن و دیڤدا هاتە ئازاد کرن، ئەڤە ژی پشتی وێ یەکێ هات، کو تورکیا ب پشتەڤانیکرن ل هێرشێن سالا ٢٠١٦ ل ئەنقەڕێ تۆهمەتبار کربوو.

س.ع