سەرنووچە:

​ل سنورێ پاڕێزگەها دهۆکێ دژی ب ئەلکترۆنیکرنێ ئەرزوحالچیان گرەڤ ژ کارکرنێ گرتن

گرەڤگرتن دێ بەردوام بیت
فۆتۆ: 
2019-07-23

538 جار خوێندراوەتەوە

دیجیتال میدیایا ئێن ئار تی، دهۆک، زاخۆ، ئاکرێ، بڕیار ، ئەحمەد زاخۆلی، شکیران زێباری

ئەڤرۆ ل هەر یەک ژ پارێزگەها دهۆکێ و قەزایا ئاکرێ و زاخۆ  نێزیکی ١٦٠ ئەرزوحالچیان دەست ب گرەڤا کارنێ کرن.

ئەڤرۆ سێشەبێ ( ٢٣ێ تیرمەها ٢٠١٩) ل  دژی ب ئەلکترۆنیکرنا کارێن وان نێزیکی ١٦٠ ئەرزوحالچیان گرەڤ ژ کارکرنێ گرتن و داخوازا ڕاگرتنا وێ بڕیارێ دکەن.

دازانین ژی، ئەو کۆمپانیا کودڤێت وی سیستەمێ بکەتە ئەلکترۆنی ڕێکەفتنەک بۆ دەمێ ٢٥ سالان دگەل وەزارەتا ناڤخۆیا هەرێمێ ب مەرەما ب ئەلکترۆنیکرنا تەڤایا ئەرزوحالچیان ئیمزا کریە، د نها دا ژی بەرهەڤیێن تەمام بۆ بنەجهکرنا کارێن وی کۆمپانیایێ هاتینە کرن.
 نووچەگەهانێن ئێن ئاڕ تی بەحساوێ یەکێ ژی کرن، داخوازیێن تەڤایا ئەرزو حالچیان ل دهۆکی و ئاکرێ و زاخۆ یەک داخوازینە، ئەوژی دەرنەحستنا وان لسەر کارێن خۆ.

چەند ئەرزوحالچیان دیارکرن، حکومەتێ گۆتیە وان هەریەک ژ وان تنێ ب کوژمێ دوو یان سێ ملیۆنان دێ قەرەبوویا وان هێتەکرن، لێ ئەو وێ یەکێ ڕەتدکەن و داخوازا دابینکرنا جهەکێ دی دکەن و هەروەسا هەر لگۆڕ گۆتنا وان کو دبێژن پرانیا ئەرزوحالچیان، ئاستێ خاندنا وان نەباشە یان بێ شەهادەنە، حکومەتێ ژی دخوازیت کەسێن پسپۆرو شەهرەزا ل جهێن وانا بهێنە دانان.

بەحسا وێ یەکێ ژی کرن، بەریا نها یەک ئەرزوحالچی تنێ ب ٣,٥٠٠  هەیا ١٠هزار دیناران بوو، ل دەمێ ب سیستەمکرنا ئەلکترۆنیێ بهایێ یەک ئەرزو حالچیێ دگەهیتە ٢٥ هزار دینارێن عێراقی.

ئەڤە د دەمەکێ دایە ل هەریەک ژ پارێزگەها دهۆکێ ١٥٠ ئەرزوحالچی  زاخۆ ٨ قەزایا ئاکرێ ٥ ئەرزوحالچی هەنە.

س.ع