سەرنووچە:

دەەرکەفتنا خەتێن دەموچاڤان پشتی تەمەنێ ٣٠ سالیێ نیشانا چ نەخۆشیەکێ یە؟

فۆتۆ: 
2019-07-23

3307 جار خوێندراوەتەوە

دەرکەفتنا خەتوچرچیێن دەموچاڤان د گەلەک کەسان دا پشتی تەمەنێ ٣٠ سالیێ دەردکەڤیت، ئەو ژی ب سەدەما کێمبوونا دروستکرنا پرۆتینێن کۆلاجین و ئیلایسینە د لەشی دا، زێدەبار وێ یەکێ ژی ڤەکۆلینان ئەو یەک دەرخستیە کو ئەڤ خەتو هێلێن چرچیێ دبیت نیشانە بن بۆ چەند نەخۆشیەکێن جدیی.

لگۆری ئەو زانیاریێن کو دەست زانینگەها ڤێرجینا یا ئەمریکا کەفتنە بەحسا وێ یەکێ کریە، ئەو خەت وچرچیا دەموچاڤان کو پشتی تەمەنێ ٣٠ سالیێ لسەر دەمو چاڤاندا  دەردکەڤن، دهێتە چاڤەڕێ کرن نیشانە بن بۆ توشبوون ب نەخۆشیا چەوریێ و مێلاکا نەکحولی.

ڤەکۆلینان ئەو یەک سەلماندیە، کێم بوونا پرۆتینا لامین کو ڕێکێ ل شلبوونا پیستی ودەرکەفتنا چرچیێ دگریت،  سەدەما سەرەکی ژی کێمبوونا چەورەیێ د مێلاکێ دا.

هەرچەندە هەیا نها نوژداران ژ چارەسەریەک بۆ تەژیکرنا پێدڤیا لەشی بۆ پرۆتینێ لامین نەدیتیە، لێ بۆ بەڕەڤانی کرن ل مێلاکی و باشترکرنا کارین وێ ڕێنمایێن وێ یەکێ دکەن مو فێقیێ وەک سێڤێ و ئەڤۆکادۆ و سندیێ بخۆن.

هەروەسا ڤەکۆلینان بەحسا وێ یەکێ کریە، خەت و چرچیێن ناڤ چەڤانێ یان دەموچاڤی دهێتەچاڤەڕێ کرن نیشانە بن بۆ هەبوونا ئاریشە و تێکچوون د کارێ دلی و دەماران دا.

ئەنجامێ ڤەکۆلینەکێ، کو ٢٠ سالان ڤەکێشا، دیارکر، زێدەبوونا مەرسیا مرنێ  ب سەدەما نەخۆشیێن دلی و دەماران پەیوەندی ب دەرکەفتنا خەت و چرچیێن کویر لسەر دەموچاڤان دا هەیە.

ئەو زانایێن کو ڤەکۆلین ئەنجامدایە بەحسا وێ یەکێ دکەن، دەرکەفتنا خەت و چرچیێن کویر لسەر دەموچافان دا دبیت ب سەدەما ڕەقبوونا دەماران بیت،  کو ئەو ژی ب سەدەما زێدەبوونا کۆلیسترۆلا زەرە بەخشێ ڕووددەت، دگەل زیدەبوونا ڕەقبوونا دەماران مەترسیا توشبوون ب جەلتەیا دل و مێشکی زێدە دکەت.

س.ع

Image result for ‫امراض القلب‬‎