سەرنووچە:

عەبدولمەهدی: پێگیرین ب هنارتنا موچەیێ فەرمانبەرێن هەرێما کوردستانێ

فۆتۆ: 
2019-07-22

726 جار خوێندراوەتەوە

عادل عەبدولمەهدی سەرۆک وەزیرێن عێراق د هەڤدیتنەکا تەلەڤزیۆنى دا ئەڤرۆ دووشەمبیێ راگەهاند، ئەو پێگیرن ب یاسایێ دەربارێ هنارتنا موچە و بەشە بودجەیا هەرێما کوردستانێ ل بودجەیا عێراقێ دا.

عەبدولمەهدی گوت ژى، " ئەم پێگیرین ب یاسایێ و یاسا دبێژیت دڤێت هەرێما کوردستانێ رۆژانە ٢٥٠ هزار بەرمیلێن نەفتا خاڤ رادەستى حکومەتا فیدرالى بهێتە کرن ، ئەگەر رادەست نەکەت دێ بەشەکا شایسەتیێن دارایێن هەرێمێ برن ، ئەو نها وێ جێبەجێ دکەن کو د یاسایێ دا هەیە".

ئاماژە ژى کر، ئەگەر بهایێ بەرمیلەکێ نەفتێ لێک بدەن دگەل ٢٥٠ هزار بەرمیلان ئەو دێ وى بەشى هنێرن کو شاستا هەرێمێ یە ، ئەڤا کو رادەست ناکەن ژى ، دێ ژ بەشە بودجەیا هەرێمێ برن.

دەربارێ موچەیێ فەرمانبەرێن هەرێما کوردستانێ تەکەز کر، ، من موچە فەرز نەکریە بابەتێ موچەى یێ سەردەمێ کابینەیا عەبادییە، من چ بو زێدە نەکریە و چ میلاکەک بۆ زێدە نەکریە، ژبەر وێ یەکێ هەمى موچە دێ هێتە خەرجکرن ل چارچوڤەیا بودجەیا فیدرالیێ دا ، ئەو تشتەکێ مەشرۆعە و جهێ  دلخوشیێ یە بۆ وەلاتیێن هەرێما کوردستانێ، ژبەر کو ئەو کار وەلاتیێن وى وەلاتى دێ ب نیشتیمانێ خۆ هێنە گرێدان".

د داویا گوتنێن خۆدا دەربارێ موچەیێ فەرمانبەرێن هەرێمێ عەبدولمەهدی تەکەز کر، موچێ هەمى چالاکیێن دى دێ برن ژبلى قوتێ وەلاتیان.

ئەڤە د دەکێ دایە، ئەڤرۆ سەرۆکێ حکومەتا هەرێمێ راگەهاند، شاندا هەڤبەشا هەرێم و بەغدا دێ نێزیکترین دەم دا گۆتوبێژان دەربارێ میکانیزما چارەسەر کرنا ئاریشێن هەلاویستى کەن.