سەرنووچە:

وەزارەتەکا هەرێمێ بکارئینانا مۆبایلێن زیرەک ل فەرمانبەران قەدەغەکر

فۆتۆ: 
2019-07-22

1549 جار خوێندراوەتەوە

وەزارەتا ڤەگوهاستن و گەهاندنا هەرێمێ د بریارەکێ دا بکارئینانا مۆبایلێن زیرەک د دەمێ دەوامێ دا ل فەرمانبەران قەدەغەکر

وەزارەتا ڤەگوهاستن و گەهاندنا هەرێمێ د بریارەکا حەفت خالى دا کو ئیمزایا ئانۆ جەوهەر و وەزیرێ نوو یێ ڤەگوهاستن و گەهاندنێ لسەرە رێکارێن رێکخستنا کاروبارێن وەزارەتا خو زەلال کریە، لگۆر خالا چارێ بریارێ ئەڤرۆ پێدا رێک ب فەرمانبەرێن وەزارەتا خۆ نادەت د دەمێ ئەرکێ خۆ دا موبایلێن زیرەک و لاپتۆپ و کومپیوتەرێ ب مەرەما تایبەت بهێنە بکار ئینان، " ژبلى پەیوەندیا تەلەفۆنێ" زەلال ژى کر، کو وێنەکرنا مامەلێن وەلاتیان و بەلاڤکرنا وان " ب چ ئاوایەکێ جهێ قەبیلکرنێ نینە".

د خالەکا دى دا هاتیە، ئەڤرۆ وێڤە میکانیزما مێزا ـ تاولە دێ هێتە بکار ئینان کو مەبەست ئەوە، دڤێت هەمى فەرمانبەر د داویا دەوامێ دا ئەو مامەلێن بەردەستن تمام بکەت.

د بریارێ دا پێگیربوونا فەرمانبەران ب دەواما وەزارەتا هەشتێ سپێدێ هەیا کو ٣ێ ئێڤارى رێکخستنا ئاسایشا فەرمانبەران و بنبرکرنا " بەرتیل و بەرتیل دان" و رێزگرتنا وەلتیێن سەردانا وەزارەتێ دکەن.