سەرنووچە:

مەسرور بارزانى: د نێزیکترین دەم دا دێ هەرێم و بەغدا دەست ب گۆتوبێژان کەن

بۆ چارەسەرکرنا ئاریشەیان
فۆتۆ: 
2019-07-22

223 جار خوێندراوەتەوە

سەرۆکێ حکومەتا هەرێمێ راگەهاند، شاندێ هەڤبەشێ هەرێم و بەغدا دێ د نێزیکترین دەم دا دەست ب گۆتوبێژان کەن بۆ دانانا میکانزما چارەسەرکرنا ئاریشێن هاتینە هەلاویستن.

لگور راگەهاندنا حکومەتێ، مەسرور بارزانى د جڤینا ئەڤرۆ یا جڤاتا وەزیران ئاماژە کریە، د سەرەدانا شاندێ بلند یێ حکومەتا هەرێمێ بۆ بەغدا ب ئاوایەکێ هوور داتا و زانیاریێن پێتڤى دەربارێ مافێن دەستورى یێن خەلکێ کوردستانێ بۆ بەرپرسێن حکومەتا عێراقێ هاتینە زەلال کرن.

هەروەسا بەحسا وێ یەکێ کریە، کو جووداهى د سەرەدەریێ دا دگەل وەلاتیان نەهێتە کرن و وەزارەت ژى رێنمایێن تایبەت بۆ جێبەجێکرنا بریارێن جڤاتا وەزیران دەربکەن.

د بەشەکا دى یا جڤینێ دا بەحسا ب ئەلیکترۆنیکرنا کاروبارێن حکومەتێ هاتیە کرن، ب رێکا رۆپەلێن حکومەتێ خزمەتگۆزاریا گشتى و بەدەستهێنانا بەلگەنامە  و زانیارێن پێتڤى دێ پێشکێشى وەلاتیان هێتە کرن.