سەرنووچە:

سکالا لسەر وەزیرێ دارایی یێ عێراقێ هاتە تومارکرن

فۆتۆ: 
2019-07-22

3663 جار خوێندراوەتەوە

ل سەر هنارتنا شایستێن دارایی یێن هەرێما کوردستانێ سکالا لسەر وەزیرێ دارایی یێ عێراقێ هاتە تومارکرن.

لدیف نڤیسەکا دەست ب دجیتال میدیایا ئێن ئاڕ تى کەفتى، هەردوو پەرلەمانتار جەودا موسەوى و ئەنعام خوزاعی کو ب سەر لیستا سائیرۆنن، ئەڤرۆ ب فەرمى سکالا لسەر فوئاد حوسێن وەزیرێ دارایی یێ عێراقێ ل دادگەها فیدرالی تومارکر.

لدیف نڤیسێ، سکالا بۆ وی چەندی یە کو وەزیرێ دارایی بەرۆڤاژى بریارا یاسایا بودجەیێ گشتى یێ عێراقێ کار کریە، کو ل هەمبەرى هنارتنا پشکا بودجەیا هەرێمێ پێدڤیە ٢٥٠ هزار بەرمیلێن نەفتێ د ڕۆژەکێ دا ڕادەستى کومپانیا سۆمۆ بکەن.

لدیف یاسایا بوودجەیێ سالا ٢٠١٩ یێ عیراقێ، پێدڤیە حکومەتا هەرێمێ ڕۆژانە ٢٥٠ هزار بەرمیلێن نەفتێ ڕادەستى سۆمۆ بکەت، هەروەسا زێدەترى مەهەکێ یە ئەو یاسا هاتیە پەسەندکرن و دەست ب جیبجیکرنێ کریە، لی دوو مەهین دەرباسبووى هەرێمێ ئەو ڕێژەیە ڕادەستى کومپانیا سۆمۆ نەکریە و سەربخۆ د فرۆشن، و مەترسیا وی چەندێ درۆست دکەت کو جارەکا دى بەغدا بزاڤێن برینا پشکا هەرێمێ بکەت.

م.ن