فۆتۆ:
2019-07-19
1162 جار خوێندراوەتەوە
لسەر فەرمانا قوباد تالەبانی جێگرێ سەرۆکێ حکومەت، وەزیرێ پەروەردێ ١٠ رۆژ بەریا رادەستکرنا پۆستێ خۆ ، فەرمانا دامەزراندنێ بۆ دەرچوویەکێ زانینگەهێ دەرکریە.
لگۆر نڤیسەکێ کو دەست ئێن ئار تى کەتیە و رۆژا حەفتێ ڤێ مەهێ هاتیە بەلاڤکرن ، پشتیوان سادق وەزیرێ بەریا نها یێ پەروەردێ ئیمزا لسەر نڤیسەکێ کریە کو تێدا ئاماژە ب فەرمانا قوباد تالەبانی جێگرێ سەرۆکێ حکومەت ب ژمارە سێ هزار و ٨١٩ێ هاتیە کرن و بریار هاتیە دان ب دامەزراندنا دەرچوویەکێ کۆلیژا پەروەردێ ب ناڤ و نیشانێن ماموستایێ ئامادەیى.
دەرچووى لسەر میلاکێ رێڤبەریا گشتى یا پەروەردا رانیە هاتیە دامەزراندن.
ئەڤ فەرمانە د دەمەکێ دایە ، ل ٢٠١٣ێ وەرە حکومەتا هەرێما کوردستانێ دامەزراندنا دەرچوویێن زانینگەهـ و پەیمانگەهان راگرتیە.
م.س