سەرنووچە:

وەزارەتا ناڤخۆ: گەشتیارێن کورد ل تورکیا هاتنە ئازادکرن

گەشتیارێن ل باژارێ ترابزونێ هاتینە دەستەسەرکرن
فۆتۆ: 
2019-07-19

196 جار خوێندراوەتەوە

سامى جەلال ڕێڤەبەرێ گشتى یێ دیوانا وەزارەتا ناڤخۆ یا هەرێما کوردستانێ بۆ ئێن ئاڕ تى ڕاگەهاند، گەشتیارێن کورد ل تورکیا هاتنە ئازادکرن.

ئەڤە ژى د دەمەکێ دایە، د دەما گرۆپەکێ گەشتیاری یێ هەرێما کوردستانێ گەهشینە باژارێ تورابزونێ ل تورکیا هند ژ گەشتیاران د خواستن ب ئالایێ کوردستانێ وێنەیان بگرن، ئالوزی د ناڤبەرا وان گەشتیاران و چەند کەسێن دی دا درۆستبوون، ب وێ سەدەمێ ژى ٩ گەشتیارێن کورد هاتنە دەستەسەرکرن، لێ بەرى دەمەکێ هەمى هاتنە ئازادکرن.

هەڤدەم حکومەتا هەرێمێ دلگرانیا خۆ لسەر دەستەسەرکرنا چەند گەشتیارێن کورد ل تورکیا نیشاندا و داخوازکر بلەزترین دەم گەشتیارێن کورد بهێنە ئازاد کرن.

شاسوار عبدولواحید سەرۆکێ ڤەلڤینا نەوەى نوێ د تویتەکێ دا ل تورا جڤاکیا تویتەرى دا ڕاگەهاند، ئالایێ کوردستانێ لسەر چ کەس و ولاتەکێ مەترسی نینە، بتایبەتى بۆ ولاتەکێ کو کار ل سەر ڕاکێشانا گەشتیاران دکەت.

م.ن