سەرنووچە:

بالەفرێن تورکیا گوندەکێ سنورێ ناڤبەرا ئامیدی و ئاکرێ بۆمبەباران کر

فۆتۆ: 
2019-07-19

578 جار خوێندراوەتەوە

دیجیتال میدیایا ئێن ئاڕ تی، ئاکرێ، شکیران زێباری

بالەفرێن شەڕیێن تورکیا بۆ یەکەمجار گوندێ هیزانکێ یێ سنورێ ناڤبەرا ئامیدی و  ئاکرێ بۆمبەباران کر.

نووچەگەهانێ دیجیتال میدیایا ئێن ئاڕ تی ل ئاکرێ ڕاگەهاند، دەمژمێر ١ێ پشتی نیڤرۆیا ئەڤرۆ ئەینیێ (١٩ێ تیرمەها ٢٠١٩ێ) بۆ یەکەمجار گوندێ هیزانکێ ل دەڤەرا نەهلێ یێ سنورێ ناڤبەرا هەردوو قەزایێن ئامیدی و  ئاکرێ ژ ئالیێ بالەفرێن شەڕیێن تورکیایێ هاتە بۆمبەباران کرن.

بەحسا وێ یەکێ ژی کر، هەیا نها زەرەرێن بۆمبەبارانێ نەهاتنە زانین و ترسەکا مەزن لدەف وەلاتیێن گوندی پەیدابوویە، کو ئاکنجیێن وی مەسیحینە.

ب هێجەتا هەبوونا پارتا کارکەرێن کوردستان – پەکەکێ هەیا دچیت تۆپ و بۆمبەبارانێن ئارتێشا تورکیا بۆ سەر دەڤەرێن سنوری و گوند و جهێن ئاڤەدانێن پارێزگەهێن دهۆک، هەولێر و سلێمانیێ زێدەتر دبن، شەڤا دەربازبوویی ژی بالەفرێن شەڕ یێن تورکیا ناڤا گوندێ سپیندارێ یێ سەر ب ناحیا چەمانکێ یا گرێدای قەزا ئامێدیێ بۆمبەبارانکر و د ئەنجامێ دا سێ وەلاتیێن سڤیل برینداربوون.

هەر شەڤا دەربازبوویی دەمژمێر ١٢ و نیڤ، بالەفرێن شەڕیێن تورکیا ب چەند مووشەکان کەمپەکا ئاوارەیان ل مەخمور بۆمبەباران کر، د ئەنجامێ دا دوو کەس برینداربوون و زەرەرێن مادی ژی بەر ب دەڤەرێ کەفتنە.

س.م